दमक २२ कार्तिक । गत भदौ २३ र २४ गते भएको जेन जी आन्दोलन नेकपा एमाले र केपि शर्मा ओली माथीको प्रहार रहेको बताइएको छ । शनिबार झापाको दमक नगरपालिका वार्ड ५ मा आयोजना गरिएको जनस्तरको भेलालाई सम्बोधन गर्दै एमालेको जिम्मेवार नेताहरुले जेन जी आन्दोलन एमालेको विरुद्ध सुनियोजीत र संगठीत प्रहार रहेको बताउनु भएको छ ।
नेकपा एमाले केन्द्रि सदस्य गीता अधिकारीले जेन जी पुस्ताले उठान गरेका मागहरु जायज भएको र नेकपा एमाले पनि ती मागकैलागी निरन्तर संघर्ष गरीरहेका बेला एकाएक एमालेका नेता, व्यक्तिगत सम्पपत्तीमाथीको प्रहार बढेपछि ए यो त माग एउटा राख्ने तर काम गर्ने अर्कोे गर्ने भएपछि एमाले विरुद्धको आन्दोलन रहेको स्पष्ट भएको उल्लेख गर्नु भयोे ।
यद्यपी अहिलेको परिस्थिती जे बन्यो त्यसमा एमालेलाई मात्रै दोष दिने र अरुचाहि चोखीन खोजीरहेको भन्दै पनि टिप्पणी गरिएको थियो । अव यो स्थितीलाई सहज र समान्य बनाउन एमाले बाहेक अन्य कुनैपनि दलहरुले नसक्ने नेकपा एमाले पोलीटव्यूरो सदस्य देवेन्द्र दाहालले उल्लेख गर्नुभयो । यसकालागी खासगरी जेनजी पुस्ताहरुलाई निरन्तर भेट गर्ने, पार्टिको नेतृत्वमा बनेको सरकारका पालमा भएका राम्रा काम र उद्धेस्यबारेमा जनतालाई अधिकत बुझाउने र यसबाट प्राप्त भएका उपलब्धीको रक्षा गर्न एकतावद्ध पार्ने काम नेकपा एमालेले देशैभरी गरिरहेको पनि उहाँले उल्लेख गर्नु भएको छ ।
नेकपा एमाले दमक नगरको वार्ड ५ कमिटीले आयोजना गरेको कार्यक्रममा यस वार्डमा उपलब्ध बिभिन्न तहका नेता तथा अन्य कार्यकताका साथै आम नागरिकको समेत भेला रहेको थियो । जेष्ठ नागरीक सम्मान प्रतिस्ठानको हलमा भएको कार्यक्रमको अध्यक्षता पार्टिको वार्ड अध्यक्ष किरण उप्रेतीले गर्नु भएको थियो ।
