दमक, २९ कार्तिक । झापाको बिर्तामोडमा आज एमालेले २० हजार कार्यकर्ता उतार्ने तयारी गरेको छ ।
१ सय ३१ वटा वार्ड रहेको जिल्लामा सबै वार्डबाट कम्तिमा एक गाडी र अधिकतम जती सकिन्छ त्यती कार्यकर्ता उतार्ने गरी सर्कुलर भएको र सबैतिरबाट आउने गरीको विवरण समेत प्राप्त भइसकेको एमाले झापाले जनाएको छ ।
एमाले झापाका सविच तुलसी कार्कीका अनुसार २० हजारा कार्यकर्ता एकै ठाउँ भेला भएर संसद पूःनस्र्थापनाको माग राख्ने र नेपालको राजनीतिमा भएको प्रतिक्रान्ति र संसदको असंवैधानिक विघटनविरुद्ध जनतालाई सचेत गराउने छ ।
राष्ट्रिय एकता, समृद्धि र राष्ट्र निर्माणका विषयमा जनचेतना फैलाउने उद्धेश्यले जागरणसभा नाम दिइएको यो कार्यक्रमलाई नेकपा एमालेकी केन्द्रिय सचीव पद्मा अर्यालले संवोधन गर्ने र अन्य यूवा नेताहरुले यूवाको आवश्यकता र आवाजबारेमा बोल्ने नेकपा एमालेका केन्द्रिय सदस्य तथा झापा इन्चार्ज रोमनाथ ओलीले बताउनु भयो ।
मध्यान्न १२ बजे देखी सुरु हुने गरि जागरण सभामा पार्टि, सबै जनवर्गीय संगठनका नेता तथा कार्यकता एवं एमालेको अभियानमा साथ दिने नागरिकको उपस्थिती रहेने जनाइएको छ ।
