झापा, १० मंसिर । जेनजी आन्दोलनका क्रममा झुम्का कारागारबाट फरार दुईजना कैदी बन्दी झापामा पक्राउ गरेको प्रहरीले जनाएको छ ।
बुधबार विहान १०ः१० बजे इलाका प्रहरी कार्यालय काँकरभिट्टाबाट खटिएको प्रहरी टोली र तालुक जिल्ला प्रहरी कार्यालय झापाबाट सादा पोसाकमा खटिएको संयुक्त टोलीले झुम्का कारागारमा राजस्व छली मुद्धामा कैद भुक्तान गरिरहेका कैदी बन्दी मेचीनगर ६ बस्ने बर्ष ५२ का मदन पोखरेल र सोही ठाउँ बस्ने बर्ष ५८ का उतम ठकुरीलाई उनीहरुको घरबाट पक्राउ गरेको जनाएको छ ।
भदौ २४ गते जेनजी आन्दोलनका क्रममा उनीहरु झुम्का कारागारबाट फरार भएका थिए । उनीहरुलाई सम्बन्धित कारागारमा पठाइने जिल्ला प्रहरी कार्यालयले बताएको छ ।
