दमक | १४ मंसिर | नेकपा (एमाले) को ११औं महाधिवेशनका लागि झापा निर्वाचन क्षेत्र नम्बर ५ बाट प्रतिनिधि चयन भएका छन्।
पार्टीको आन्तरिक निर्वाचन प्रक्रिया सम्पन्नपछि खुल्ला, महिला र युवा तर्फका विजयी उम्मेदवारहरूको परिणाम सार्वजनिक गरिएको हो।
खुल्ला तर्फ अम्बिका प्रसाद खनाल सर्वाधिक १,५१५ मत ल्याउँदै पहिलो स्थानमा रहनुभयो। शिव दुगेल १,३२७ मत ल्याउँदै दोस्रो भएका छन्। त्यस्तै होम बहादुर थापा ले १,२७४ मत ल्याएर तेस्रो र तुलसी कार्की ले १,१५३ मत प्राप्त गर्दै चौथो स्थान हासिल गर्नुभयो।
यी चारैजना खुल्ला तर्फबाट महाधिवेशन प्रतिनिधिमा निर्वाचित हुनुभएको हो ।
महिला तर्फ अम्बिका देवी अधिकारी (गीता) ले १,४५२ मत ल्याउँदै प्रतिनिधिमा छनौट हुनुभयो । त्यसैगरी नर्वदा उप्रेती गौतम ले १,३१३ मत प्राप्त गर्नुभयो भने लिला ढुङ्गेल दाहाल ले १,२८७ मत ल्याएर प्रतिनिधि चयन हुनुभयो।
युवा तर्फ एक मात्र लागि परेको प्रतिस्पर्धामा युवराज पौड्याल (विवश) ले ९०६ मत ल्याउँदै विजयी भएर प्रतिनिधिमा चयन हुनुभएको हो ।
यससँगै झापा क्षेत्र नम्बर ५ बाट एमाले महाधिवेशनमा सहभागी हुने प्रतिनिधिहरुको टुंगो लागेको छ। पार्टीको केन्द्रीय महाधिवेशन यहि मंसिर २७ देखि २९ गते सम्म काठमाडौमा हुने छ ।
