दमक, १४ मंसिर । आखाले हेर्दा यी हरिया रायोको साग , हेर्दा अहिले नै पकाएर मात्र हैन काचै नै खाउ खाउ लाग्ने गरिको छ । तर दमक बजारमा बेचिएका यी रायोको साग खान योग्य नरहेको तथ्य सार्वजनिक भएको छ ।
दमक नगरपालिकाले दमकको बजारमा रायोको सागको नमुना संकलन गरि परिक्षण गर्दा खान अयोग्य हुने गरिको रिपोर्ट आएको नगरपालिकाले पत्रकार सम्मेलन गरेर सार्बजनिक गरेको छ । दमक नगरपालिकाकि उप प्रमुख रेगीना भट्टराई प्रसाईले पत्रकार सम्मेलनका क्रममा भन्नू भयो मोरङको भाउन्नेबाट ल्याईएका सागहरु खान योग्य नरहेको रिपोर्ट आएको छ र यसको सेवन नगर्न आग्रह गर्नु भयो ।
पत्रकार सम्मेलनमा बोल्ने क्रममा दमकमा नगरप्रमुख राम कुमार थापाले तत्काल दमकका बजारमा बेचिने साग तत्काल प्रयोग नगर्न आग्रह गर्नु भयो । भाउन्नेबाट आउने सागलाई प्रतिबन्ध लगाउने र नियमित परिक्षण गर्दै जाने समेत उहाले प्रतिबद्धता जनाउनु भयो ।
दमकमा बेचिने रायोको सागमा कार्वाभेट ७८.४९ प्रतिशत र अर्गानो फस्फेट ९९.२६ प्रतिशत देखिएको छ बिर्तामोड स्थित कृषि थोक बजारमा लगेर नियमीत परिक्षण गरिदै आईएको नगरपालिकाले जनाईएको छ ।
