दमक,२८ मंसिर । नागरिक बचाउँ अभियानका संयोजक तथा मेडिकल व्यवसायी दुर्गा प्रसाईले आफुहरुसग भएको सम्झौता सरकारले सुरु नगरे आगामी चुनाव हुन नदिने बताउनु भएको छ ।
शनिबार झापाको कमल स्थित आदिवासी रङ्गशलामा राष्ट्रिय परिवर्तन पार्टिको घोषणासभालाई सम्बोधन गर्दै उहाँले मंसिर २२ गते अन्तरीम सरकारको प्रधानमन्त्री शुशीला कार्की सहित भएको सहमती पुरा नगरे सरकारले तोकेको चुनाव नै हुन नदिने चेतावनी दिनु भएको हो । उहाँ भन्नु हुन्छ ‘ यदी सरकारले आफुहरुसग गरेको सम्झौता पुरा नगरे जनताले विद्रोह गर्ने छन् । यसमा सबै नागरिकको सहभागीता हुने छ । त्यसैबाट अहिलेको यो अवस्था, व्यवस्था सबै फकेर नयाँ संविधान बनाएर देशलाई निकास दिनु पर्ने हुन्छ । दुर्गा प्रसाईले सरकारसग २७ बुँदे माग राखेको थियो ।
प्रसाईंको अभियानले आफ्नो मागपत्रमा नेपालको वर्तमान संविधानलाई पूर्णरुपमा खारेज गरी नयाँ संविधान निर्माण गर्ने, राष्ट्रपतिको सट्टा प्रत्यक्ष निर्वाचित कार्यकारी प्रमुख प्रणाली लागू गर्ने, राजसंस्था, हिन्दु राज्य लगायतका मागहरू समावेश गरेको छ । यी मध्ये अहिलेको सरकारले अधिकार सम्बद्ध मागहरु पुरा गर्ने सहमती भएको थियो । यसै बिच पुष २ गते थप वार्ता हुने पनि प्रसाईले बताउनु भएको छ ।
