दमक, २१, पुष । दमक १ कि शुशीला केरुङले तुलसी बहुमुखी सहकारी सस्था लि. मा २०७७ साल मंसिर २७ गते खाता खोल्नु भएको थियो । उहाँले कर्मचारी बचत शिर्षकको खाता खोल्नु भएको उहाँको घरमा भेटिएको पासबुमा लेखिएको छ । उहाँले यो खातामा पैसा जम्मा गर्नथालेपछि राम्रैसग व्याज पाइरहनु भएको थियो । राम्रो व्याज पाएको भन्दै उहाँले आफ्नै श्रीमान र बहिनीलाई पनि खाता खोल्न प्रोत्साहन गर्नुभयो ।
यसो गर्दा बचत र शेयर मात्रै गरेर तीन जनाको रकम यो सहकारीमा १० लाख ७० हजार पुगेको छ । तर अहिले यो रकम पाइन्छ कि पाइदैन भन्ने कुनै आधार छैन । उहाँ जस्ता हजारौको रकम डुवाएर दमकबाट यो सहकारी कुलेलाम ठोकेको थियो । सरकारले यसका सञ्चालकलाई पक्राउ गरेर थुनामा राखेको छ । यता केरुङ भने अहिले शारिरिक रुपमा शिथील बन्नु भएको छ । क्यान्सर रोग लागेर कलिलै उमेरमा उहाँ मृत्यूसग पौठेजोरी खेलीरहनु भएको छ । शरिरमा क्यान्सर भएर मर्नु न बाँच्नु हुदै अस्पताल दगुर्याइरहेको उहाँका दाजु मणी कुमार केरुङले जानकारी दिनुभयो ।
बिराटनगर स्थित टिचिङ हस्पिटलले धेरै खर्च लाग्ने सुनाएपछि आर्थीक अभावले उपचार गराउन नसकेर घरमै ल्याएर राखीएको थियो । पछि छर छिमेक, आफन्त र इष्टमित्रको सहयोगमा केहि रकम संकलन भएपछि भरतपुर क्यान्सर अस्पतालमा उचापर गराउन लगियो । त्यहाँपनि ७–८ लाख सकियो । केहि बिशेक त भएको छ । तर पूर्ण जाती भएको नै छैन । अझै थप रकम लाग्ने भएपछि फेरी कसैसग उठाउन पनि नसक्ने । आफ्नो बचत भएको पैसा माग्दा पनि नपाएपछि नया साहरा खोज्न थालेका छन् । केरुङ सहकारी पीडित रहेकोले तत्काल केरुङको उपचारको जिम्मा अव सहकारी पीडित महासंघले लिएको छ । र यसैको पहल र बिस्वासमा उपचारकालागी सोमबार काठमाडौ समेत पठाइएको छ ।
यसरी बचत रकम निकाल्न नसकेका र अन्य बिकल्प समेतको व्यवस्था गर्न नसक्नेलाई सहकारी पीडीत संघले आफ्नो आन्दोलनमा साथ दिने सर्त राखेर यसखाले सहयोग समेत गर्दै आएको तुलसी सहकारी पीडित संघ दमकका अध्यक्ष डम्बर खड्काले जानकारी दिनुभयो । अव केरुङको उपचारको जिम्मा समेत महासंघले लिएको उहाँले बताउनु भएको छ ।
यो सहकारीका बचतकर्ताको रकम डुवेपछि अहिले समस्याग्रस्त सहकारी समितीमा यसको समस्या पुगेको छ । नेपाल सरकारले यो सहकारीका सबै चल तथा अचल सम्पत्ती रोक्का राखेको छ । देशभर रहेका यो सहकारीका मार्ट तथा अन्य भौतीक सम्पत्तीबाट मिलान गर्न भन्दै जिम्मेवारी पनि तोकीएको छ ।
नेपाल सरकार अन्तर्गतको समस्याग्रस्त सहकारी समितीसग दमकका रुपक दाहालले तुलसी सहकारीको समस्या समाधान गर्ने बचत कर्ताहरुको बचत फिर्ता गर्न समन्वय गर्ने जिम्मेवारी पाउनु भएको छ । मार्ट खोलेर त्यहाँ रहेका सामानको एम आर पी मुल्यमा र अन्य बिभिन्न ठाउँको जमिन जुन समितीले तोकीदिएको सरकारी मुल्यांकनका आधारमा जग्गासग साटफेर समेत गर्ने गरीको अधिकार दिएको छ ।
तर दमकका भने यो कामले उती सकृयता पाएको छैन । छिटफूट बाहेक पीडितहरु दाहालको सम्पर्कमा गएका छैनन । राज्यलेनै यसको जिम्मा लिएर सावा र व्याज सहित आफ्नो बचत रकम फिर्ता पाउनुपर्ने अडान उनीहरुले राखीरहेका छन् ।
