दमक, ३ माघ । नेकपा एमालेका अध्यक्ष केपी शर्मा ओली माघ ५ गते झापा आउनु हुने भएको छ । प्रतिनिधि सभाको चुनावका लागि उम्मेदवारी दर्ता गर्न उहाँ झापा आउन लाग्नु भएको हो ।
त्यसअघि चुनावी तयारी गर्न उहाँले नेताहरूलाई झापा उतारिसक्नु भएको छ । बिहीबार र शुक्रबार सय बढी विभिन्न जिम्मेवारीमा रहेका नेताहरू दमक आइपुग्नु भएको छ ।
माघ ५ गते बिहान ११ बजे ओली भद्रपुर विमानस्थलमा अवतरण गर्ने कार्यक्रम छ।विमानस्थलमा उहाँको भव्य स्वागत हुने र पाँच हजार बढी मानिसको र्यालीसहित दमक ल्याउने कार्यक्रम रहेको एमाले केन्द्रिय सदस्य होम बहादुर थापाले जानकारी दिनुभयो ।
जेनजी आन्दोलनकारीले झापामा रहेको घर आगजनी गरेकाले ओली बस्ने घरको खोजीमा नेताहरू लागीरहेको र आज र भोलीमा टुङ्गो लगाइसक्ने पनि जनाइएको छ ।
