इलाम,४ माघ। प्रतिनिधिसभा सदस्य निर्वाचन नजिकिएसँगै नेपाल कम्युनिष्ट पार्टी (एमाले) ले दुवै निर्वाचन क्षेत्रमा उम्मेदवार खडा गरेको स्रोतले जनाएको छ ।
निर्वाचन क्षेत्र नं १ मा काजीमान कागते र क्षेत्र नं २ बाट सुहाङ नेम्वाङलाई उम्मेदवार बनाइएको हो । नेकपा एमालेको शनिबारको सचिवालय बैठकबाट १६५ मध्ये १४१ निर्वाचन क्षेत्रमा उम्मेदवार छनोट भएका छन् ।
नेम्वाङ निवर्तमान सङ्घीय सांसद रहनु भएको छ् भने कागते पूर्वप्रदेशसभा सदस्य रहनु भएको छ । नेम्वाङ इलाम क्षेत्र नं २ बाट गत उपनिर्वाचनमा २७ हजार ७७२ ल्याएर विजयी हुनु भएको थियो । उम्मेदवार चयन भएका कागते कोशी प्रदेशसभाका पूर्वसदस्य रहनु भएको छ् ।
निर्वाचन हुन अब ४६ दिन मात्र बाँकी छ । प्रत्यक्षतर्फ मनोनयन दर्ता यही माघ ६ गते हुनेछ ।
