दमक, १८ माघ । सभामुखले रुल गरेर सांसदहरुलाई बोल्ने समय निर्धारण गरीरहनु भएको छ ।
संसदमा सत्ता पक्ष र प्रतिपक्षहरु आ आफ्नो रोहोमा बस्नु भएको छ । सबै जना स्मार्ट हुनुहुन्छ । हरेकले सदनमा पेष भएका बिषय र त्यसमा आफ्ना राय र टिप्पणी राखीरहेका छन् ।
प्रतिपक्षको डेस्कमा बस्नेहरुले सत्ता पक्षबाट भएका कामको आलोचना गरीरहेको छ । सत्ता पक्षले त्यसको जवाफ दिइरहेको छ ।
सुन्य समयमा सांसदहरुले महत्वपूर्ण विषयहरुको उठान गरीरहेका छन् । देशको कानुन कस्तो बन्ने र त्यसलाई कार्वान्यान गर्दा देश कस्तो बन्न सक्छ भन्ने भीजन पनि दिइरहेका छन् ।
यी दृष्य हेर्दा कुनै संसद जस्तै देखिन्छ । तर यो साच्चैको संसद हैन । यो हो नमुना संसद । दमक ८ मा रहेको झापा मोडल इङलीस स्कुलले आयोजना गरेको जेम्स प्रतिनिधीसभा । यहाँ दमक सहित आसपासका १० वटा विद्यालयका विद्यार्थीहरु सहभागी छन् ।
विद्यार्थीहरुलाई आफ्नो देशको कानुन कुन प्रकृयाबाट बन्दो रहेछ भन्ने कुराको प्रयोगात्मक ढंगबाट सिकाइयो । र उनीहरुलाई बिषयनै दिएर तत् विषयमा कस्तो कानुन बन्न पर्छ भन्ने राय समेत राख्न सिकाइयो । यसले कानुन निर्माणको पूर्ण प्रकृयाबारेमा विद्यार्थीहरुले सिक्न सकेको झापा मोडलका सस्थापक प्रिन्सिपल जय बहादुर श्रेष्ठले जानकारी दिनुभयो ।
यस भन्दा अघी विद्यार्थीहरुलाई नेपालको संविधान कसरी बन्यो भन्नेबारेमा संविधासभा सदस्य दीपक कार्की, र कोशी प्रदेशको प्रदेश संसद कसरी सञ्चालन हुन्छ भन्ने कुराको अनुभव प्रदेश सभा सदस्य गोपाल तामाङका अनुभव सुनाइएको थियो ।
यसबाट विद्यार्थीहरुले नेपालको संविधान, कानुन, सदन सञ्चालनको अवस्था लगायत बारेमा प्रत्यक्ष सिक्न पाएका थीए । शिक्षामा राज्यको भूमिकामा राज्यको दयित्व वा निजिकरण, विकास र वातावरण बीचको सुन्तुलन र सामाजीक सञ्जाल, नियमन वा नियन्त्रण विषयमा समेत विद्यार्थीलाई सिकाउँदै धारणा समेत बनाउन लगाइएको थियो । यसबाट विद्यार्थीहरुले राज्य सञ्चालनको प्रकृया समेतको जानकारी लिएको झापा मोडल इङलीस स्कुलका प्रिन्सिपल सागर श्रेष्ठले जानकारी दिनुभयो ।
