दमक २० माघ। आगामी फागुन २१ गते हुने निर्वाचनलाई लक्षित गर्दै नेकपा एमालेको दमक नगरपालिका वडा नम्बर ९ अन्र्तगत ७ नम्बर टोलको बिस्तारित बैठक आज सम्पन्न भएको छ । पार्टीका टोल कमिटीका अध्यक्ष काजिमान घिमिरेको अध्यक्षतामा भएको बैठकले निर्वाचनमा पार्टीलाई बिजयी गराउन योजना निर्माणको छलफल भएको जनाइएको छ ।
योजना बैठकमा भूगोलमा रहनु भएका सबै उपल्लो कमिटीमा आवद्ध नेतृत्व समेत सहभागी रहनुभएको छ । बैठकबाट तत्काल टोलमा आवश्यक समस्या तथा समाधानका बिषयमा छलफल भएको जनाइएको छ । नेकपा एमाले वर्डा ९ को वडा कमिटीका सचिव बालचन्द्र कार्कीका अनुसार कार्यक्रम बैठकमा पार्टीको प्रदेश कमिटी सदस्य अम्बिका खनालको प्रमुख आतिथ्यतामा सम्पन्न भएको थियो । यसरी नै पार्टीका जिल्ला कमिटी सदस्य तथा वार्डा ९ का इञ्चार्ज दुर्गा काफ्ले वडा कमिटिीमा आवद्ध गरी करिव ७० जनाभन्दा बढीको सहभागिता रहेको जनाइएको छ ।
