दमक,२५ माघ । दमक–१ स्थित चुलाचुली अंग्रेजी माध्यमिक विद्यालयमा अभिभावक–विद्यार्थी उत्सव तथा प्रदर्शनी २०८२ कार्यक्रम सम्पन्न भएको छ। कार्यक्रममा विद्यालयका पदाधिकारी, शिक्षक, विद्यार्थी र अभिभावकको सक्रिय सहभागिता रहेको थियो। विद्यार्थीहरूले आफैं बनाएका फुड स्टल राखेका थिए भने फूल, घरमा सजाउने सामग्री र दैनिक जीवनमा प्रयोग हुने धागोले बनाएको सामग्री बिक्रीका लागि राखिएको थियो। साथै विद्यार्थीहरूले विज्ञान परियोजना प्रदर्शन गरेका थिए र नृत्य प्रस्तुति पनि दिएका थिए। विद्यार्थीहरूले विभिन्न जातजाति र धर्मका भेषभूषा मार्फत संस्कार र संस्कृति झल्काएका थियो। कार्यक्रममा अविभावकको लागि मनोरञ्जन खेलसमेत समेटिएको थियो। खेलमा उत्कृष्ट प्रदर्शन गर्ने अभिभावकलाई सम्मान गरिएको थियो। यस कार्यक्रमले विद्यार्थी, शिक्षक र अभिभावकबीच सृजनात्मकता, सहभागिता र संस्कृति संवर्धनमा योगदान पु¥याएको छ।
कक्षा–९ की रिप्ती क्षेष्ठले वातावरणमा जनावर बीचको अन्तरसम्बन्ध कस्तो हुन्छ भन्ने मोडल प्रस्तुत गर्नुभयो।
सुइकृति कोइरलाले उधोगबाट निस्किएको फोहोर पानीलाई कसरी शुद्ध गर्ने यन्त्र प्रदर्शन गर्दै त्यसको प्रयोगबारे जानकारी दिनुभयो।
अप्सा कडरीयाले भुइँचालो आएपछि कोलोनीलाई थाहा दिने यन्त्रको प्रदर्शन गर्नुभयो।
अनुप श्रेष्ठले पेण्डुलम र अटोमेटिक स्ट्रिट लाइट सेन्सरको नमुना प्रस्तुत गर्नुभयो।
कक्षा–८ का विद्यार्थीहरूले र्आट एण्ड क्राफ्टको स्टल लगाउँदै आफ्नै हातले बनाएका सुन्दर सामग्री प्रदर्शन गदै थिए ।
तुसा लिम्बु साथीहरूसँग मिलेर आलुको परिकार बनाएर बिक्री गर्नु हुँदै थियो। बिक्रीबाट आएको नाफा खर्चअनुसार व्यवस्थित हुने अपेक्षा उहाँको समुहले राखेको छ।
यस प्रकारको कार्यक्रमले विद्यार्थीमा सृजनात्मकता, आत्मविश्वास र सामूहिक सहभागिताको अनुभव प्रदान गरेको छ। अभिभावक र शिक्षकसँगको अन्तरक्रियाले विद्यार्थीको सिकाइमा उत्साह थपेको छ र विद्यालय समुदायमा नयाँ ऊर्जा भर्दै आएको छ।
