गौरादह २८ माघ । नेकपा एमालेका अध्यक्ष केपी शर्मा ओलीले मङगलबार एकै दिन झापाका दमक र गौरादहका नपाका विभिन्न ११ वटा स्थानमा भेटघाट सम्पन्न गर्नुभएको छ ।
बिहान साढे ११ बजे दमकको आम्दा स्वास्थ्य बिज्ञान प्रतिष्ठानमा सहभागी हुनुभयो । करिव आधा घण्टा यहाँ रहनुभएका ओलीलाई अस्पतालको बर्तमान अवस्थाको बिषयमा ब्यवस्थापन पक्षले जानकारी गराएको थियो । अध्यक्ष ओली प्रधानमन्त्री भएको अवस्थामा नै अस्पतालको लागि ३ करोडको लगानीमा नयाँ भवन निमार्ण भएको र यहाँ आधुनिक ल्याव सञ्चालन गर्न थप ७० लाख रूपयाँ लगानी भएको जानकारी अस्पतालका मेडिकल सुपरिटेन्डेन्ट डाक्टर शिखर कट्टेलले जानकारी दिनुभयो ।
यसरी नै ओलीको पहलमा आईसियु भवन समेत निर्माण भई सञ्चालन भईरहेको जानकारी आम्दा नेपालका सञ्चालक समिति सदस्य डाक्टर नवीन ढकालले जानकारी दिनुभयो । सो कार्यक्रम सम्पन्न भएलगत्तै दमक ५ मा रहेको एक मरिमराउ भएको परिवारलाई समवेदना दिन पुग्नु भयो । करिव २० मिनेटसम्म यहाँ रहदा उक्त परिवारका सदस्य सँग अन्तरिक बिषयमा जानकारी लिनु भयो ।
यहाँबाट निश्किए लगत्तै अध्यक्ष ओली आफ्नो पूर्वनिर्धारित कार्यक्रमका लागि गौरादह नगरपालिकाका ५ स्थित बालुवथानमा तय गरिएको भेटघाटमा पुग्नु भयो । यहाँ पुग्दा लिम्बू जातीको परम्परागत च्याब्रुङ बाजा बजाएर भब्य स्वागत गरिएको थियोे । एक घण्टासम्म यहाँ बिताउनु भएका ओलीलाई सुकुम्बासी समस्या समाधान गरिदिन स्थानीयले माग गरे । चीन नेपाल मैत्री अौद्योगिक पार्क तत्कालै सञ्चालन गर्न आवाज उठाएका छन् । अध्यक्ष ओलीसँग सबैभन्दा धेरै समय स्थानीयले तस्बिर खिचाउने काममा ब्यस्त बनाए । उनिहरूको चाहना बमोजिम सामुहिक र ब्यक्ति ब्यक्ति सग छुट्टाछुट्टै तस्बिर खिच्नुभयो । अन्तिममा सबैका कुरा सुनिसकेपछि उहाँले धेरै काम अघि बढिरहेको अवस्था जानकारी दिनुभयो ।
यस लगत्तै उहाँ चप्रमारी बजार पुग्नु भयो । यहाँ पुग्नासाथ अन्यत्र जस्तै ओलीलाई नजिकबाट स्वागत गर्ने, फोटो खिच्न नजिकै पुगको मौकामा धेरैले आफ्ना कुरा कानमा खुसुक्क राख्ने गरे । अध्यक्ष ओलीले पनि वृद्धवृद्धा र वालवालिकालाई विशेष महत्त्व दिने गरिएकाले सुरक्षा र स्वयंसेवकले समेत वातावरण मिलाईदिए । भेटको क्रममा स्थानीय किसानले उत्पादन गरेका धान, मकै जस्ता वालीनालीको उचित मुल्य नपाएको गुनासो गरेका छन् । यसक्षेत्रमा सडक र खानेपानीका बाँकी काम पूरा गर्न समेत स्मरण गराएका छन् झण्डै एक घण्टा जति यहाँ लागेको थियो ।
यहाँको भेटघाट सकिए लगत्तै कोहवरा बजारमा आयोजना गरिएको कार्यक्रममा पुग्नु भयो । यहाँ पुग्दा निर्धारित समयभन्दा झण्डै एकघण्टा भन्दा बढी समय ढिलो भईसकेको थियो । प्रतिक्षामा रहेका स्थानीयले फूलमालाले स्वागत गरेका थिए । अन्य क्षेत्रमा जस्तै यहाँका वासिन्दाले पनि अधुरा काम पूरा गर्न जोड दिए । अध्यक्ष ओलीले पञ्चायती ब्यवस्था विरूद्द आवाज उठाउदाको आफ्नो भूमिगत जीवनमा वसोवास गरेको यो क्षेत्रमा धेरैको नाम र घरका स्थानीयसंग अझै पनि प्रष्ट दोहोरो चिनजान छ । यसरी कार्यक्रममा जाने क्रममा बाटोमा पर्ने धेरैजसो घरमा निश्कदै भेटघाट गर्दै हिड्ने गर्नु भयो । यसले तोकिएको कुनै पनि कार्यक्रममा निर्धारित समयमा पुग्न मुश्किल भयो ।
यहाँको कार्यक्रम टुंग्याएर लगत्तै तेलियाडाँगीमा आयोजना गरिएको भेटघाटमा पुग्नुभयो । यहाका बासिन्दाले रतुवा नदी कटान नियन्त्रण, सडक स्तरोउन्नति गर्नु पर्ने माग राखे । यहाँको कार्यक्रम सकिए लगत्तै दामुना बजारमा आयोजना गरिएको कार्यक्रममा पुग्नुभयो । यहाका वासिन्दाले सरकारबाट विपन्नलाई तोकिएको झुलदेखि अन्य सुबिधाबाट बन्चित भएको गुनासो गरे । यहाँ लगभग आधा घण्टाको समयसम्म रहदा बजार ब्यवस्थापन पुल सडक बिस्तार लगायतका समस्य उठान गरिएको थियो ।
डोरामारी चौकमा आयोजना गरिको कार्यक्रममा सहभागी हुनुभयो । अन्यत्र जस्तै यहाँ पनि तस्बिर खिच्ने र स्थानीयका कुरा सुन्नु भयो । अध्यक्ष ओलीको यो पटकको भेटघाटमा स्थानीयका गुनासा धेरै सुन्ने गरिएको छ । अन्तिममा आफ्नो बिषय राख्नु गर्नुभयो
आजको अन्तिम कार्यक्रम स्कुलचौन बजारमा पुग्दा अध्यारो भईसकेको थियो । स्कुलचौनमा सबैभन्दा बढी अब्यवस्थित वसोवासी र सुकुम्बासीको समस्या रहेको बताए । यसरी साँझ दमक निवास फर्कनु भयो । हरेक क्षेत्रमा पुग्दा आफुलाई गरिएको स्वागतले अध्यक्ष ओलीलाई अझ उत्साहित बनाएको थियो । दिनभरीका यी सबै भेटघाटमा सहभागीले ओलीलाई आफ्नो अभिभावक आएको झै गरि उत्साहित भएको पाइएको थियो ।
