पथरी, ८ फागुन / निर्वाचनको संघारमा मोरङको पथरी शनिश्चरेमा बिमल राईको कमाण्डमा नेकपा एमाले निकट नेसनल भोलेन्टियर फोर्स गठन भएको छ ।
नव गठित नगरस्तरीय फोर्सको कमाण्डरमा बिमल राई, सहकमाण्डरहरू शेरबहादुर लिम्बु, अनिष नेपाली, छत्र लिम्बु, रोहित वान्तवा, आश्री बास्तोलासहित १५१ सदस्यीय समिति चयन भएको छ ।
एमाले नगर अध्यक्ष सञ्जीव गिरीको अध्यक्षता र नेसनल भोलेन्टियर फोर्स केन्द्रीय उपकमाण्डर अमित पौडेलको प्रमुख आतिथ्यतामा कार्यक्रम सम्पन्न भएको थियो ।
जेन्जी आन्दोलनपछि नवयुवाहरुलाई लक्षित गर्दै एमालेले जनसंगठनकै रुपमा भोलेन्टियर फोर्स गठन कार्य अघि बढाएको देखिएको छ । यसलाई चुनावी रणनीतिका रुपमा समेत लिइएको छ । यो पार्टीको २४ औं जनसंगठन रहेको उल्लेख छ ।
