दमक, ९ फागुन । चुनावको मिती नजिकीदैजादा राजनैतिक दलहरु अहिले आ–आफ्नो घोषणापत्रका साथमा मत मागीरहेका छन् ।
स्थानीय प्रतिवद्धता देखी लिएर राष्ट्रिय एजेण्डा सहित दलहरुले घोषणा पत्र सार्वजनिक गरे । घोषित घोषणापत्रमा महिलाका कस्ता मुद्धा समेटिएका छन् र झापा ५ का महिलाहरुको तिनबारेमा कस्तो प्रतिकृया दिएका छन् ?
दमककी सुवेच्छा अधिकारी । दमक बजारमा सानो कपडा पसल गर्नु हुन्छ । उमेरले बर्खर डेढकोरी पुग्नु भएकी उहाँ आफ्नै देशमा उद्यम गरौ भन्ने सोचका साथ काम गरिरहनु भएको छ । सानो पुजिबाट सुरु गर्नु भएको व्यापारलाई उहाँले बिस्तार गर्ने योजना त बनाउनु भएको छ तर उहाँसग पुजिको अभाव छ । घर परिवारले पनि धेरै लगानी गर्न बिस्वास गर्दैन । काम गर्न सक्ने इच्छाशक्तिले भरिनु भएकी अधिकारी आगामी निर्वाचन र निर्वाचन पछि बन्ने सरकार शशक्त र महिलामैत्री बन्नु पर्छ भन्ने कुरामा निश्चिन्त हुनुहुन्छ ।
त्यसैले उहाँ चुपचाप हैन, सुझ बुझका साथ , सबैको घोषणा पत्र हेरेर र कार्यान्वायनको सुनिश्चितता खोजेर मात्रै मतदान गर्ने योजनामा हुनुहुन्छ । उहाँ भन्नु हुन्छ अहिले घोषित घोषणा पत्रमा महिलाहरुलाई उद्यमी बन्न बिना शहुलियत र बिना धितो २० लाख रुपैँया सम्म लगानी गर्ने घोषणाले हौसाला बढाएको छ । यो कार्यान्वायनमा आउने हो भने विदेश जाने हैन, आफ्नै देशमा संम्भावना खोज गर्नेहरु बढ्ने छन् र यूवा यूवा तथा महिलाहरु आत्मनिर्भर बन्ने छन् । ’
यस्तै दमक २ कि माया कोईरालालाई मन परेको कुरा चाहि सुत्केरीलाई दिने २० हजार रुपैँया बराबरको पोषण भत्ता । महिलाको पीडाको औषधी बनेर यो कार्यक्रम कार्यन्वायन होस भन्ने उहाँको चाहना छ । र आगामी निर्वाचनमा यस्ता माग पुरा गर्ने नेतृत्वहलाईलाई मतदान गरि सरकारको नेतृत्वमा पुर्याउन समेत उहाँ अपील गर्नु हुन्छ ।
उसो त आमाहरु प्नि घोषणापत्र मार्फत उत्साहीत हुनु भएको छ । यूवा तथा महिला लक्षीत कार्यक्रमले आफ्ना छोराछोरीले नेपालमै भविष्य बनाउन सक्ने र विदेश जादा पनि सिप सहित जादा सुरक्षीत हुने विस्वास .. चन्द्रकला बजगाईको छ ।
महिलाहरुको न्यास सहित सामाजीक सम्मान, महिला शशक्तीकरणकालागि उद्यमशीलता कार्यक्रम, महिलाहरुलाई अग्रगामी रुपमा अघी बढाउने कार्यक्रम राख्न र गर्न सक्ने गरीको उम्मेदवार छनौट गर्न झापा ५ का महिलाहरु एकजुट भएको पनि बताइएको छ ।
