झापा, ११ फागुन । दाङपछि झापामा पनि नेकपा एमालेको झण्डा जलाइएका प्रहरीले जनाएको छ ।
गएराति ११ बजेतिर झापा गाउँपालिका वडा न.६ शरणामति स्थित बाटोमा अपरिचित व्यक्तिहरुले नेकपा एमाले पार्टीको सानो खालको झण्डा जलाएका हुन् । उनीहरुले एमालेको १३–१४वटा झण्डा जलाएको प्रहरीले जनाएको छ ।
प्रहरी चौकी शरणामतिमा खबर प्राप्त भएपछि इलाका प्रहरी कार्यालय कुमरखोदबाट प्रहरी नायव उपरीक्षक अनिल ठकुरीको कमाण्डमा ८जनाको टोली खटिएको प्रहरीले जनाएको छ।
त्यस्तै प्रहरी चौकी शरणामतिबाट प्रहरी सहायक निरीक्षक डिल्लीबहादुर भुजेलको कमाण्डमा टोली खटी थप बुझ्ने कार्य भइरहेको जनाइएको छ ।
