काठमाडौँ,१८ फागुन । नेपालीहरूको महान् पर्व फागुपूर्णिमा (होली), आसन्न प्रतिनिधिसभा निर्वाचन र अन्तर्राष्ट्रिय नारी दिवसको अवसर पारेर आजदेखि देशभर लगातार सात दिन सार्वजनिक बिदा सुरु भएको हो ।
विभिन्न चाडपर्व र निर्वाचनको बिदा एकैसाथ परेकाले आज फागुन १८ गतेदेखि आगामी फागुन २४ गतेसम्म सरकारी कार्यालय, शिक्षण संस्था तथा सार्वजनिक निकायहरू बन्द रहने भएका छन् ।
आज फागुन १८ गते पहाडी जिल्लाहरूमा होलीको सार्वजनिक बिदा दिइएको छ भने भोलि फागुन १९ गते तराईका जिल्लाहरूमा होलीको बिदा रहने भएको छ । होलीलगत्तै फागुन २१ गते हुने प्रतिनिधिसभा निर्वाचनका लागि सरकारले फागुन २०, २१ र २२ गते गरी तीन दिन सार्वजनिक बिदा घोषणा गरेको हो ।
निर्वाचनको बिदा सकिए लगत्तै फागुन २३ गते शनिबार परेको छ भने फागुन २४ गते ८ मार्च अर्थात् अन्तर्राष्ट्रिय नारी दिवसको सार्वजनिक बिदा परेको हो । यसरी आज बिहीबारदेखि अर्को हप्ताको बुधबारसम्म लगातार सात दिन सरकारी बिदा हुने भएको छ ।
