दमक, २५ फागुन । झापाको गौरादह नगरपालिकाका मेयर छत्रपती सुवेदीलाई उहाँकै निवासमा एक अपरीचित व्यक्तिले कुटपिट गरेका छन् ।
आईतबार साँझ उहाँकै घरको भान्साकोठाबाट खाना खाएर बाहिर निस्कने क्रममा ती व्यक्तिले मेयर सुवेदीको दाहिने गालामा एक चट्कन लगाएको मेयर सुवेदीले दमकमा पत्रकार सम्मेलन गर्दै जानकारी गराउनु भएको छ ।
घटनाबारे बताउँदै उहाँले भन्नु भयो ‘म बाहिरको काम सकेर घर फर्केको थिए । एक जना अपरीचित व्यक्ति घरमै बस्नु भएको थियो । मैले को हो भनेर सोधे । मैले यहाँ दाईसग एकछिन काम छ भनेपछि मैले अर्कैसगको कामले आएको रहेछ भन्ने सोचे र घर भीत्र छिरे । पछि खाना खाएर बसीरहेका बेला ठुलो ठुलो स्वरमा कराउँएर बोलाएको सुने ’ । उहाँले घटना बारे सम्झदै भन्नु भयो किन भाई कोहो तपाई, भित्रै आउनुस, भने । तर ती व्यक्ति भीत्र आएनन् । उहाँले भन्नु भयो । त्यसपछि बाहिर निस्कने क्रममा आफुमाथी एक्कासी आक्रमण गरेको उहाँले बताउनु भयो ।
यसरी घरमै आक्रमण गर्न जाने व्यक्ति मेयरकै छिमेकीको आफन्त रहेको खुलेको छ । गौरादह ५ निवासी ४४ वर्षीय भीष्म सिटौला रहेको खुलेको छ । उनका विरुद्धमा मेयर सुवेदीले उजुरी दिइसकेको र प्रहरीले समेत पक्राउ गरीसकेको पनि उहाँले पत्रकार सम्मेलनका क्रममा बताउनु भयो ।
उनलाई दमक स्थित प्रहरी कार्यालयले अहिले पक्राउ गरीसकेको छ । प्रहरीले सिसि क्यामारेको फूटेज समेत फेला परेकोले घटनाको अनुसन्धान भइरहेको जनाएको छ । कानुनी प्रकृया पुरी गरी कार्वाहिकालागी अघी बढाइने दमक प्रहरीले जनाएको छ ।
