दमक| २९ फागुन | झापाको हल्दीबारी गाउँपालिकामा आँपको रुख ढलेर किच्दा एक किशोरीको मृत्यु भएको छ।
जिल्ला प्रहरी कार्यालय झापाका अनुसार हल्दीबारी गाउँपालिका–२ पाराखोपीका प्रेमलाल राजवंशीकी १७ वर्षीया छोरी आरती राजवंशीको ज्यान गएको हो।
गए राति करिब ९ बजेतिर वर्षासहित आएको हावाहुरीका कारण घर नजिकै रहेको आँपको रुख ढलेर घरमाथि खसेको थियो।
सोही क्रममा घरभित्र सुतेर बसेकी आरतीलाई रुखले किच्दा घटनास्थलमै मृत्यु भएको प्रहरीले जनाएको छ।
घटनाबारे जानकारी प्राप्त हुनासाथ प्रहरी चौकी हल्दीबारीबाट प्रहरी टोली घटनास्थल पुगेर क्षेत्र सुरक्षित बनाएको थियो।
थप सहयोगका लागि जिल्ला प्रहरी कार्यालय झापाबाट पनि प्रहरी टोली खटिएको छ भने उद्धारका लागि सशस्त्र प्रहरी बल भद्रपुरलाई समेत जानकारी गराइएको थियो।
घटनास्थल प्रहरी चौकी हल्दीबारीबाट करिब तीन किलोमिटर पूर्वतर्फ रहेको प्रहरीले जनाएको छ।
तस्बिर : ए आई
