काठमाडौं,३चैत । राष्ट्रपति रामचन्द्र पौडेलले पूर्व प्रधानमन्त्री तथा केपी शर्मा ओलीका पिता मोहनप्रसाद ओलीको निधनप्रति गहिरो दुःख व्यक्त गर्दै समवेदना प्रकट गर्नु भएको छ। राष्ट्रपति पौडेल आज ओली निवासमा पुगी दिवंगत आत्माको चिरशान्तिको कामना गर्दै श्रद्धाञ्जली अर्पण गर्नु भएको हो ।
शोकको यस घडीमा उहाँले शोकाकुल परिवारजन, विशेषगरी अध्यक्ष ओली र उहाँका आफन्तजनमा धैर्यधारण गर्ने शक्ति मिलोस् भन्दै हार्दिक सहानुभूति व्यक्त गर्नु भएको छ। ९७ वर्षको उमेरमा उपचारका क्रममा निधन भएका मोहन प्रसाद ओलीप्रति श्रद्धाञ्जली व्यक्त गर्दै राष्ट्रपतिले उहाँको राष्ट्रिय राजनीति तथा सामाजिक क्षेत्रमा पु¥याएको योगदानको स्मरण गर्नु भएको छ। उहाँले ओलीको निधनबाट समाजले एक अभिभावक गुमाएको उल्लेख गर्नु भएको छ ।
अध्यक्ष ओलीका पिता मोहनप्रसाद ओलीको फागुन २९ गते नेपाल–कोरिया मैत्री अस्पतालमा उपचारका क्रममा निधन भएको थियो ।
