काठमाडौं,४ चैत।राष्ट्रिय स्वतन्त्र पार्टी (रास्वपा) का सांसदहरूले अब केवल बोल्ने होइन, काम गरेर देखाउने बताएका छन्। पार्टीको अभिमुखीकरण कार्यक्रमपछि सञ्चारकर्मीहरूसँग कुरा गर्दै सांसद आशिका तामाङले जनताले दिएको विश्वासलाई व्यवहारमै उतार्नुपर्नेमा जोड दिइनु भएको छ्। उहाँले भन्नु भयो—अब भाषणले मात्रै विकास, सुशासन वा भ्रष्टाचार अन्त्य सम्भव छैन, त्यसका लागि काम गर्नैपर्छ।
अर्का सांसद सागर ढकालले आफूहरू सबै विषयमा जानकार नभए पनि सिक्दै अघि बढिरहेको स्पष्ट पार्नु भएको छ। उहाँका अनुसार अभिमुखीकरण कार्यक्रमले संसदीय अभ्यास बुझ्न र देशका समस्या पहिचान गर्न मद्दत गरिरहेको छ।
यस्तै, सांसद सुलभ खरेलले अपेक्षाभन्दा बढी समर्थन पाएको भन्दै थप जिम्मेवारी महसुस भएको बताउनु भयो। उहाँले नीति तथा कानुन निर्माणलाई प्राथमिकतामा राख्दै विगतभन्दा फरक नतिजा दिने प्रतिबद्धता व्यक्त गर्नु भएको छ।
सांसद सुम्निमा उदासले अहिले सबैको नजर रास्वपा तर्फ रहेको भन्दै बोलाइ देखि व्यवहारसम्म सचेत हुन निर्देशन दिइएको जानकारी दिइनु भयो्। समग्रमा, रास्वपा सांसदहरूले देश सुधार, सुशासन र प्रभावकारी कानुन निर्माणलाई केन्द्रमा राखेर अघि बढ्ने स्पष्ट सन्देश दिएका छन्।
