ताप्लेजुङ्घ, १० चैत । पाथीभरा मन्दिरबाट दर्शन गरेर फर्कने क्रममा स्वास्थ्य समस्या उत्पन्न भई एक बालकको मृत्यु भएको छ।
हिलिहाङ गाउँपालिका–२ निवासी ३० महिनाका सोहन श्रेष्ठको सोमबार निधन भएको हो। उनी परिवारसँग पाथीभरा दर्शन गरेर फर्कँदै गर्दा अस्वस्थ भएका थिए।
घटनापछि पाथीभरा क्षेत्र विकास समिति र जिल्ला प्रहरी कार्यालय ताप्लेजुङले तीर्थयात्रीहरूलाई स्वास्थ्यमा समस्या देखिए तुरुन्तै स्वास्थ्यकर्मी तथा सुरक्षाकर्मीसँग समन्वय गर्न आग्रह गरेका छन्।
जिल्ला प्रहरी कार्यालयका सूचना अधिकारी प्रहरी निरीक्षक टाशङ्कर यादवद्वारा जारी विज्ञप्तिमा बालबालिकादेखि वृद्धसम्म सबैलाई स्वास्थ्य समस्या देखिएमा माथिल्लो फेदीस्थित प्राथमिक उपचार केन्द्र, प्रहरी चौकी वा काफ्लेपाटीस्थित पर्यटक प्रहरी सहायता डेस्कमा तत्काल सम्पर्क गर्न अनुरोध गरिएको छ।
पाथीभरा क्षेत्रमा चिसो मौसमका कारण बिरामी हुने तथा ज्यान जाने घटनाहरू यसअघि पनि हुँदै आएको बताइएको छ।
