काठमान्डौं १० चैत । नेपाली कांग्रेसले आफ्नो आसन्न महाधिवेशन भदौ २४ गतेदेखि २६ गतेसम्म आयोजना गर्ने प्रस्ताव गरेको छ। केन्द्रीय समितिको बैठकलाई सम्बोधन गर्दै नेताले उक्त मिति प्रस्ताव गरेका हुन्।
प्रस्तावअनुसार चैत २१ गतेदेखि मसान्तसम्म नयाँ सदस्यता फारम वडा तहसम्म पु¥याइने र पुराना सदस्यता अद्यावधिक गरिनेछ। त्यसपछि वैशाख मसान्तसम्म सबै वडामा सदस्यता अद्यावधिक गर्ने, जेठ १ देखि १५ गतेसम्म जिल्लामा पठाउने र जेठ २५ गतेसम्म केन्द्रमा सदस्यता पठाउने कार्यतालिका तय गरिएको छ।
केन्द्रले २०८३ असार १५ गतेसम्म सदस्यताको छानबिन गरी अन्तिम टुंगो लगाउने प्रस्ताव गरिएको छ। त्यसैगरी साउन ३० गते महाधिवेशन प्रतिनिधि चयन गर्ने, भदौ ६ र ७ गते जिल्ला अधिवेशन सम्पन्न गर्ने र भदौ २४ देखि २६ गतेसम्म केन्द्रीय महाधिवेशन गर्ने कार्यतालिका प्रस्तुत गरिएको छ।
