काठमाडौं ,११ चैत। राष्ट्रिय खेलकुद परिषद् ९राखेप० ले सोधेको २४ घण्टे स्पष्टिकरणको जवाफ अखिल नेपाल फुटबल संघ ९एन्फा० ले दिएको छ।
राखेपले मंगलबार एन्फालाई “कारबाही किन नगर्नेरु” भन्ने विषयमा कारण सोध्दै २४ घण्टे अल्टिमेटमसहित पत्र पठाएको थियो।बुधबार एन्फाले स्पष्टिकरण पेश गर्दै आगामी चैत १३ गते झापामा हुने निर्वाचन स्थगित गरे फिफा र एएफसी ९एएफसी० बाट प्रतिबन्धको जोखिम रहने भएकाले जसरी पनि निर्वाचन सम्पन्न गर्नुपर्ने बाध्यता रहेको जनाएको छ।
एन्फाले राखेपले दिएको तीन महिनासम्म निलम्बन गर्ने चेतावनी उचित नभएको उल्लेख गर्दै निलम्बन गरिएमा एन्फामाथि तेस्रो पक्षको हस्तक्षेप हुने र यस्तो हस्तक्षेपलाई फिफा र एएफसीले स्वीकार नगर्ने दाबी गरेको छ। महासचिव किरण राई ले पठाएको पत्रमा एन्फाले परिषद् र मन्त्रालयका निर्देशन उल्लंघन नगरेको स्पष्ट पारेको छ। साथै राष्ट्रिय खेलकुद विकास ऐन, २०६७ को दफा २८९८० र २९९१० अनुसार कुनै उल्लंघन नभएको पनि दाबी गरिएको छ।
पत्रमा एन्फाले राखेपबाट प्राप्त सबै निर्देशनको समयमै पालना गर्दै लिखित जवाफ दिँदै आएको उल्लेख गरिएको छ। यसअघि राखेपले एन्फाले गर्न लागेको निर्वाचनलाई स्वीकृति नदिएको र निर्वाचनका लागि विधान संशोधन गर्न निर्देशन दिएको थियो। तर एन्फाले आफू स्वतन्त्र संस्था भएको र फिफा तथा एएफसीको सदस्यका रूपमा उनीहरूको नियम तथा निर्देशन पालना गर्नु आफ्नो दायित्व भएको जनाएको छ।
एन्फाको वर्तमान कार्यसमितिको कार्यकाल आगामी असार ५ गते सकिँदैछ। कार्यकाल सकिनु अघि नै एन्फाले तहगत नभई सिधै केन्द्रीय कार्यसमितिको मात्र निर्वाचन गर्ने तयारी गरेको छ। निर्वाचनमा वर्तमान अध्यक्ष पंकज विक्रम नेम्वाङ र उपाध्यक्ष दिर्घबहादुर केसी बीच प्रतिस्पर्धा हुने भएको छ।
