झापा, १६ चैत। झापाको कमल गाउँपालिका वडा नं ३ केर्खामा एक जना आमाले बच्चा जन्माएर मकैबारीमा फालिदिएको प्रहरीले जनाएको छ ।
रातभरि मकैबारीमा रहेकी नवजात शिशु( छोरी) लाई आज बिहान स्थानीयले उद्धार गरेका हुन् । आज बिहान ६ बजेर १० मिनेट तिर कमल ३ केर्खा बस्ने ४८ वर्षीय लिलाराज थापाको घरनजिकै रहेको करेसाबारीभित्र रहेको मकैबारीमा ती नवजात शिशुलाई फेला पारिएको थियो । थापाले आफ्नो मकैबारीमा बेवारिसे अबस्थामा शिशुलाई देखेर प्रहरीलाई खबर गरेका थिए ।
नाबालिका शिशुलाई स्थानीयबासीको सहयोगमा उद्धार गरी उपचारको लागि किओच बाल अस्पताल दमक पठाइएको प्रहरीले जनाएको छ । ती नाबालिकाको अबस्था तत्काल सामान्य रहेको छ । नाबालिका शिशुको आमाको पहिचान तथा खोजतलास भइरहेको प्रहरीले बताएको छ ।
एआई तस्बिर
