दमक, १९ चैत्र । दमक नगरपालिका वार्ड १, २ र ३ नम्वरका बासिन्दाको दुखको घडीमा शव दाह गर्न आवश्यक पर्ने दाउरा निशुल्क उपलब्ध गराइन्छ । तर यदी दमकको उत्तरी क्षेत्रमा शावदाह गर्यो भने मात्रै । दाउराको आपुर्तिकर्ता हंसे दुंसे सामुदायीक वनले यसरी अन्तिम सस्कार गर्नकालागी वनको सदस्य भएको परिवारलाई चार कुइन्टल दाउरा २ हजार ४ सय र गैर सदस्यलाई २ हजार ८ सय रुपैँयामा उपलब्ध गराउने गरेको छ ।
सदस्य वा गैरसदस्य जोसुकैकालागी सम्बन्धीत वार्डहरुले सो शुल्क नगरपालिका मार्फत भुक्तानी गरिदिन्छन् । अर्थात यस क्षेत्रका नागरिकलाई दाहसस्कार गर्न आवश्यक पर्ने दाउराको कुनै शुल्क तिर्न पर्दैन ।
तर गत चैत्र १५ गते दमक ३ निवासी केसरी माया बस्नेतको मृत्यू भयो । नियमले उहाँ दमक ३ बासिन्दा भएकोले उहाँको दाह सस्कार गर्न उहाँको परिवारले दाउरा किन्न भनेर कुनै शुल्क तिर्नु पर्दैन । तर उहाँको शवदाह गर्ने भन्दै हंम्से दुम्से सामुदायीक वनका दुईवटा हरिया रुख काटिएका छन् ।
यसरी वनको अनुमतिबिनानै काटिएका ती रुख कहाँ छन् र कसले लग्यो भन्ने कुरा अहिले सम्म खुल्न सकिरहेको छैन । वनको उपभोक्ता समितीका अध्यक्ष चन्द्र गुरागाईलाई यसबारेमा सोधीखोजी गर्दा रुख काट्ने र त्यो रुखको गोलीया कहाँ लगियो भन्ने समेत पत्ता लगाउन नसकिएको बताउनु भयो ।
‘यसबारेमा अनुसन्धान हुदै छ । कसले हो गैरकानुनी काम गरेकै छ । हामी पत्ता लगाएर कार्वाहिको दायरामा ल्याउने छौ । ’ अध्यक्ष गुरागाईले उज्यालो खवरसग प्रतिवद्धता गर्नुभयो ।
नियम अनुसार उपभोक्ता समिती भएको वन क्षेत्रमा उपभोक्ता समितीले निर्णय गर्ने, सो निर्णय जिल्ला वन कार्यालयलाई जानकारी गराउने र तोकीएको रुख मात्रै कटान गर्न पाइन्छ ।
