हावाहुरीको असर : दमकको ट्रस्टमा लगाईएको जस्ता उडायो

दमक , २४ चैत । गएराति आएको हावाहुरीले दमकमा घरमा क्षति पु¥याएको छ।
प्रहरीका अनुसार आज बिहान करिब ४ बजेर ३० मिनेटतिर पानीसँगै आएको तीव्र हावाहुरीले दमक नगरपालिका–२ बस्ने ४१ वर्षीया रञ्जु दाहालको दुईतले घरको छतमा राखिएको जस्तापाता र ट्रस उडाएको हो।

उडेको जस्तापाता छिमेकी तारा बहादुर कुँवरको एकतले घरको टिनको छानामा खस्दा थप क्षति भएको प्रहरीले जनाएको छ।
घटनाबाट दुवै घरमा करिब ६० हजार रुपैयाँ बराबरको क्षति भएको प्रारम्भिक अनुमान गरिएको छ। मानवीय क्षति भने नभएको प्रहरीले जनाएको छ।