दमक,७ वैशाख। गत फागुन २१ गते एउटा नारा निकै चर्चीत भयो । चुप चाप घण्टीमा छाप । परिवर्तनकालागी भन्दै पुराना दलको विकल्पका रुपमा तीन वर्ष अघी मात्रै स्थापना भएको राष्ट्रिय स्वतन्त्र पार्टिलाई यसपटक जनताले नाराजस्तै गरि चुप चाप घण्टीमै छाप दिएर सत्तामा पुर्यादिए । सत्तामा पुर्याउदा पनि यती शक्तिशालीनै बनाइदिए कि करिव दुई तिहाँई सहितनै । यसरी शशक्त सरकार बनेपछि नागरीकलाई राहत पुग्नु पर्ने हो तर अहिले बजारको मुल्य बृद्धि छोईनसक्नु छ ।
पेट्रोलीयम पदार्थको मुल्य थामीनसक्नुले बढेपछि त्यसको असर नेपालका हरेक उत्पादन र हरेक क्षेत्रमा परेको छ । आयातीत सामानमा उच्च मुल्य बृद्धि भएको छ । यही उत्पादन हुने सामाग्रीमा पनि ढुवानी तथा अन्य उपकरणको लागत बढेका कारण मुल्य उसैगरी बृद्धि भइरहेको छ । तर नागरीकको घरनै चल्न नसक्ने गरी । घरको चुल्होनै बल्न नसक्ने गरी भएको मुल्यबृद्धिका विरुद्धमा न प्रतिपक्ष दल बोल्न सकेको छ । न नागरिकलेनै आवाज उठाएका छन् ।
अहिले सरकारको विरोध गर्यो र प्रश्न गर्यो भने अहिले बिभिन्न आरोप र गालीको वर्षा हुने गर्छ । नागरीकहरु आफ्नै हातले भोट हालेर जीताएको सरकारले महगी बढाएर थुचुक्कै बसाउँदा पनि चुईक्क बोल्न सकेका छैनन । किनकी हिजो चुनावमा ‘चुपचाप घण्टीमा छाप’ भन्दै कुदिएको छ । पुराना दललाई सक्दो गाली गरिएको छ । अहिले त्यहि घण्टी छापवाला सरकारले महगी नियन्त्रण नगर्दा जनता हैरानी खेपिरहेका छन् ।
यस्तो बेलामा सदन मौन छ । सांसदहरुले संसदीय समितीहरु बनाइरहेका छन् । सत्ताको स्वाद लिइरहेको दल राष्ट्रिय स्वतन्त्र पार्टि त बोल्ने कुरै भएन । किनकी उसलाई दुई तिहाईको उन्माद जो छ । यता यस बाहेकका अन्य दलहरु पनि मुखमा बुझो लगाएर बसेका छन् । नेकपा एमाले आफ्नो पार्टि अध्यक्षलाई पक्राउ गर्दा सडकमा राके जुलुस निकाल्दै सदननै अवरुद्ध गरौला झै गर्जियो । तर अहिले जनताको ढाड सेकिने गरी चौतर्फि मुल्य बृद्धि हुदा शान्त छ । जनताका लागि बोल्ने फुर्सद छैन ।
यता नेपाली काग्रेस जेन जी आन्दोलन पछि यो दल छ कि छैन भन्ने जनताले कहि अनुभूतिनै गर्न पाएका छैनन । यद्यपी दलका केहि नेताको विरासतका कारण सदनमा दोस्रो दल त बनेको छ । तर नाम मात्रैको । किनकी जनताको पक्षमा अहिले सम्म यसले न सदनमा बोल्यो । सडकमा उत्रीयो । उ आफु भित्रै गिजोलीरहेको छ । जनता महगीको चपेटामा पिसिइरहेका छन् ।
नेकपाको त के कुरा गरौ । यसका संयोजक प्रचण्ड आक्कल झुक्कल झुल्किन्छन् । सह –संयोजक माधव कुमार नेपालको त अहिले नाम निसाननै छैन । बरु यो पार्टिको विद्यार्थी संगठन अहिले बरु अली सकृय देखिन्छ । नेकपा छ है भन्ने आभाष विद्यार्थीहरुलेनै गराएका छन ।तर यस्ता विद्यार्थी संगठन पनि पद र स्वार्थमा मात्रै कुदिरहेका छन् । कुनै बेला पेट्रोल, डिजेल तथा ग्यासको मुल्य सामान्य बढ्दा पनि देशभर विद्यार्थीहरु सडक तताउथे । जनसमर्थन बलियो हुन्थ्यो । सरकारलाई घुढा टेकाएरै मुल्य समायोजन गराउँथे । तर अहिले यस्ता आन्दोलन गर्ने विद्यार्थी संगठन पनि कुन दुलामा पसेका छन् । अत्तो पत्तो छैन ।
त्यसैले
चुनावका बेला चुप चाप घण्टीमा छाप
अहिले चुप चाप , बाहिर ननिस्किी घरकै बास भएको छ ।
घरमा बस्दा पनि चुलो बलुनजेल खान सकिएला तर त्यसपछि घाटको बास नहोला भन्न सकिन्न ।
अनी फेरी के भन्ने हो चुप चाप कहाँको बास ………………… ?
