दमक, १० वैशाख । मलद्धार भएन भने त्यसले कस्तो असर पर्न सक्छ एक पटक तपाई हामी कल्पना गरौ त ? तपाई हामीलाई एक छिन मात्रै पनि पर्खनु पर्यो भने त्यसले दिने तनाव थेगीनसक्नुको हुन्छ । तर इलामका यी बालकको जन्मनै मलद्धार बिनानै भयो । जन्मने बित्तिकै प्रमीशा राईको काखे छोराले आफ्नो शारिरिक पीडा खेप्नु पर्यो । आर्थीक रुपमा समेत कमजोर रहेको यो परिवारले टाढा लगेर उपचार गराउन सम्भव थिएन । धेरै पैसा तिर्ने, महगो अस्पतालमा उपचारकालागी लैजाने सामर्थ उनीहरुसँग नभएपछि दमकमा रहेको कि ओच बाल अस्पताल प्रमिशा राईका लागी बरदान सावित भएको छ ।
इलामबाट धरान जान भनेर हिड्नु भएकी उहाँ दमक आइपुगेपछि आफन्तले कि ओच बाल अस्पतालमा लैजाउ न भन्ने सुझाव सुनेपछि उहाँ यहाँ आउनु भयो । यहाँ आएपछि काठमाडौबाटै बिषेशज्ञको टोली आएर यहाँ उपचार तथा शल्यकृया गर्ने भन्ने थाह पाएपछि उहाँले यही शल्यकृया गराउनु भयो र आफ्नो छोराको मलद्धार बनाएर फर्कनु भएको छ ।
यी बालकको मलद्धार नभएपछि कि ओच बाल अस्पतालमा आउनु हुने डा. दिनेश प्रसाद कोईरालाले गर्नु भयो । बालबालिकको शल्यकृया सम्बन्धीको बिषेशज्ञको रुपमा उहाँ टिचिङ अस्पतालमा कार्यरत हुनुहुन्छ भने कि ओच बाल अस्पतालसग समेत आवद्ध रहेर उहाँले सेवा प्रदान गर्दै आउनु भएको छ । उहाँकै नेतृत्वमा प्रमिशाको छोराको मलद्धार बन्यो । कि ओच बाल अस्पतालमा अहिले सम्म यस प्रकारको बिरामी नआएको तर प्रमिशाको छोराको अवस्था देशभरमै आइरहने समस्या मध्येको रहेकोले कि ओच बाल अस्पतालमा भएका उपकरण तथा प्रविधिको प्रयोग गरी डा. कोईरालाको टिमले सहजै शल्यकृया गर्ने सक्यो ।
कि ओच बाल अस्पताल बालबालिकाको सबै रोगको उपचार र शल्यकृया गर्न सक्ने गरीको रुपमा स्थापीत भइरहेको छ । वरिष्ठ मुटुरोग विषेशज्ञ डा. भगवान कोईरालाको नेतृत्वमा यस खालको अस्पताल सातै प्रदेशमा एक एक वटा बनाउने गरीको योजना छ । पहिलो चरणमा कोशी प्रदेश स्तरीय अस्पताल दमकमा बनेको हो । यहाँ रहेको नेपाल रेडक्रस सोसाईटीले आफ्नो हल भएको भवन अस्पताललाई दिएर यहाँ कि ओच अस्पताल बन्न सफल भएको हो भने यसबाट यस क्षेत्रका गरिव तथा विप्पन्न नागरिकका छोराछोरीले सस्तोमा, गुणस्तरीय सेवा पाउन सक्ने भएका छन् ।
