दमक ,११ बैशाख | प्रधानमन्त्री बालेन्द्र शाहको झापा क्षेत्र नम्बर ५ मा संसद सचिवालय सञ्चालनमा आएको छ।
निर्वाचनताका सार्वजनिक गरिएको वाचापत्रअनुसार स्थानीय सरोकार प्रत्यक्ष सुन्न र समन्वय बढाउने उद्देश्यले सचिवालय आजदेखि औपचारिक रूपमा स्थानीय बासिन्दा र सरोकारवालाका लागि खुला गरिएको हो।
सचिवालयमार्फत क्षेत्रका जनतासँग नियमित संवाद, गुनासा संकलन तथा विकाससम्बन्धी पहललाई व्यवस्थित बनाउने लक्ष्य राखिएको जनाइएको छ।
हालका लागि राज गौतम संयोजक रहने गरी दुई सदस्यीय संरचनामा सचिवालय सञ्चालन हुनेछ। अर्को सदस्यमा बेनिस कार्की रहनुभएको छ ।
स्थानीय तह र जनप्रतिनिधिबीच समन्वय मजबुत बनाउने तथा क्षेत्रीय समस्या समाधानमा प्रभावकारी भूमिका खेल्ने अपेक्षा गरिएको छ।
