अमेरिकी केन्द्रीय कमाण्ड (सेन्टकम) ले आफ्नो युद्धपोतले इरानी बन्दरगाहतर्फ जान लागेको इरानी झण्डा बोकेको जहाजलाई रोकेको जनाएको छ ।
“शुक्रबार अप्रिल २४ मा मिसाइल विनाशक युएसएस राफेल पेराल्टाले इरानी बन्दरगाहतर्फ जाँदै गरेको इरानी झण्डा बोकेको जहाजलाई रोकेको छ,“ सेन्टकमले एक्समा एक विज्ञप्तिमा भनेको छ ।सेन्टकमले उक्त जहाजको तस्वीर पनि सेयर गरेको छ ।
यसअघि शुक्रबार अर्को विज्ञप्तिमा सेन्टकमले अमेरिकी नौसेना नाकाबन्दीको क्रममा अहिलेसम्म ३४ वटा जहाजलाई डाइभर्ट गरेको जनाएको थियो ।इरान र अमेरिकाबीचको पहिलो चरणको वार्ता निष्कर्षविहीन रहेपछि अमेरिकी राष्ट्रपति डोनाल्ड ट्रम्पले इरानी बन्दरगाहहरू नाकाबन्दीको घोषणा गरेका थिए ।
इरानले नाकाबन्दीको कडा विरोध गर्दै यसलाई युद्धविरामको उल्लङ्घन भनेको छ । इरानले पनि हर्मुज बन्द गर्ने निर्णय गरेको छ ।
