काठमाडौं ,१३ वैशाख । भ्रष्टाचार, नातावाद र नेपोबेबी संस्कृति अन्त्य गर्ने हुटहुटीसहित सत्ताको बागडोर सम्हालेको बालेन शाह नेतृत्वको वर्तमान सरकार पनि अन्ततः विवादको घेरामा तानिएको छ। सिस्टम सुधार्ने दुई तिहाइ जनमतको म्यान्डेट पाएको सरकारले नियुक्तिमा मेरिटोक्रेसी योग्यता प्रणाली लाई प्राथमिकता दिने बताए पनि व्यवहारमा भने नातावाद हाबी भएको पाइएको छ।
यसको ज्वलन्त उदाहरण खेलकुद मन्त्री सस्मित पोखरेलको सचिवालयमा देखिएको छ, जहाँ मन्त्रीले आफ्नै दाइलाई प्रमुख सल्लाहकारु को शक्तिशाली पद सुम्पिएका छन्।
खेलकुद मन्त्री पोखरेलले चैत १९ गतेदेखि लागू हुने गरी सिद्धि व्यञ्जनकारलाई आफ्नो प्रमुख सल्लाहकार नियुक्त गरेका हुन्। मन्त्रालयका सूचना अधिकारी जगदीश पराजुलीले व्यञ्जनकारको नियुक्तिको लिखित जानकारी मन्त्रालयमा प्राप्त भइसकेको पुष्टि गरे। तथ्य खुल्दै जाँदा, नवनियुक्त सल्लाहकार व्यञ्जनकार नाताले मन्त्री पोखरेलका आफ्नै दाइ पर्छन्।
देशको समग्र खेलकुद नीति निर्माणमा मन्त्रीलाई सुझाव दिनुपर्ने पदमा नियुक्त व्यञ्जनकारको योग्यता भने औषत देखिएको छ। खेलकुद वृत्तका अनुसार उनी ललितपुरको फ्रेन्ड्स क्लबसँग आबद्ध एक सामान्य फुटबल प्रशिक्षक मात्र हुन्।
उनको विज्ञताबारे प्रश्न उठाउँदै एक खेलकर्मीले भने, उहाँ प्रशिक्षक संघको सदस्य हुनुहोला, तर राष्ट्रिय स्तरको खेलकुद नीति बुझेको विज्ञका रूपमा उहाँको कुनै पहिचान छैन। यो विशुद्ध पारिवारिक व्यवस्थापन मात्र हो।
मन्त्री पोखरेलसँग शिक्षा मन्त्रालयको समेत जिम्मेवारी भएकाले उनी प्रायः त्यता व्यस्त रहन्छन्। यही रिक्तताको फाइदा उठाउँदै सल्लाहकार व्यञ्जनकारले मन्त्रालयमा अघोषित मन्त्रीको भूमिका निभाउन थालेको स्रोतको दाबी छ।
कार्यकारी हस्तक्षेपस् उनी मन्त्रीको सल्लाहमा मात्र सीमित नरही बजेट विनियोजन, वैदेशिक भ्रमण तय गर्ने र खेलाडी बिदाइ जस्ता कार्यकारी निर्णयमा हाबी हुने गरेका छन्।
निकायमा दबाब राष्ट्रिय खेलकुद परिषद राखेप लगायतका स्वायत्त निकायहरूमा समेत उनले सिधै निर्देशन दिने गरेको आरोप छ।
व्यञ्जनकारको सक्रियता केवल पदमा मात्र सीमित छैन। उनी र बालेन टिमका अन्य प्रभावशाली सदस्यहरू भौतिक पूर्वाधार मन्त्री सुनिल लम्साल र सुशील कडरिया—को निजी क्षेत्रको नेपाल सुपर लिगु सँग पनि संदिग्ध सम्बन्ध देखिएको छ। बुटवल एफसीसँगको आबद्धता र फ्रेन्चाइजी बैठकहरूमा उनीहरूको बारम्बारको उपस्थितिले स्वार्थको द्वन्द्व संकेत गर्छ।
हामी फरक छौ भन्दै वैकल्पिक राजनीतिको आश जगाएको बालेनको टिममा देखिएको यो नातावादु ले समर्थकहरूमा निराशा पैदा गरेको छ। एकातिर नेपोबेबी को विरोध गर्ने र अर्कोतिर मन्त्रालयलाई पारिवारिक अखडा बनाउने प्रवृत्तिले वर्तमान सरकारको नैतिकतामाथि ठूलो प्रश्नचिह्न खडा गरिदिएको छ।
