दमक, २३ बैशाख | दमकका उद्योगी व्यवसायीका लागि उत्साहजनक खबर आएको छ।
दमक उद्योग वाणिज्य संघका पूर्व अध्यक्ष गोकुल श्रेष्ठ नेपाल उद्योग वाणिज्य महासंघको ६०औँ वार्षिक साधारणसभा निर्वाचनमा जिल्ला–नगरतर्फ केन्द्रीय कार्यकारिणी सदस्य (खुला) पदमा पुनः निर्वाचित हुनुभएको छ। यो उहाँको केन्द्रीय सदस्यमा दोस्रो कार्यकाल हो। यसअघि पनि उहाँले जित निकाल्दै केन्द्रमा प्रतिनिधित्व गर्नुभएको थियो।
नेपाल उद्योग वाणिज्य महासंघ को केन्द्रीय तहमा लगातार दोस्रो पटक प्रतिनिधित्व पाउनु दमक का उद्योगी तथा व्यवसायीका लागि गर्वको विषय बनेको छ।
स्थानीय व्यवसायीहरूले अब आफ्नै क्षेत्रबाट केन्द्रीय नेतृत्व प्राप्त भएको भन्दै खुसी व्यक्त गरेका छन्।
उद्योगी व्यवसायीहरूले श्रेष्ठबाट अब उद्योग र व्यवसायको पक्षमा थप सशक्त आवाज उठ्ने अपेक्षा गरेका छन्।
स्थानीय तहदेखि केन्द्रसम्म उद्योग–व्यवसायको हितका मुद्दा बलियो रूपमा उठ्ने विश्वास समेत व्यक्त गरिएको छ।
