बरियारपट्टी छोटी भन्सार बन्द गर्ने निर्णयको विरोधमा आन्दोलन चर्कियो

सिरहा, २६ वैशाख । सरकारले सिरहाको बरियारपट्टीमा रहेको छोटी भन्सार कार्यालय हटाउने निर्णय गरेपछि स्थानीयवासी, व्यापारी र राजनीतिक दलहरू आन्दोलित भएका छन् । सरकारको यो कदमले सीमावर्ती क्षेत्रको व्यापार र आर्थिक गतिविधिमा गम्भीर असर पर्ने भन्दै बिगत तीन दिनदेखि बरियारपट्टी क्षेत्र तनावग्रस्त बनेको छ । सरकारले गत २०८३ वैशाख २१ गते राजपत्रमा सूचना प्रकाशित गरी उक्त भन्सार कार्यालय बन्द गर्ने निर्णय गरेको थियो ।

आन्दोलनको तेस्रो दिन शनिबार प्रदर्शनकारीहरूले हुलाकी राजमार्गको बरियारपट्टी चोकमा बेन्च राखेर सडक अवरुद्ध गरेका छन् । सडक अवरोधका कारण पूर्व–पश्चिम चल्ने सवारी साधनहरू ठप्प भएका छन् भने नेपाल–भारत आवतजावत गर्ने सर्वसाधारणले निकै सास्ती खेप्नुपरेको छ । शनिबार नै बजार परिक्रमासहित ¥याली र कोणसभा समेत आयोजना गरिएको थियो ।

कोणसभालाई सम्बोधन गर्दै मधेश प्रदेशका सांसद एवं पूर्वमन्त्री संजय यादवले सरकारको कडा आलोचना गर्नुभयो । उहाँले भन्नुभयोः “देशको प्रमुख आम्दानीको स्रोत राजस्व हो र कानुनअनुसार राजस्व संकलन गर्नु राज्यको दायित्व हो । तर, बरियारपट्टी जस्तो व्यापारिक सम्भावना बोकेको नाका बन्द गर्नु राजनीतिक प्रतिशोध र गलत नीति हो । सेवा विस्तार गर्नुपर्ने समयमा सेवा कटौती गरेर सरकारले सिरहाबासीलाई दण्डित गर्न खोजेको छ । यो निर्णय नीतिगत भ्रष्टाचारको एउटा रूप हो ।“ यादवले बरियारपट्टी नाकालाई व्यवस्थित गर्न सके यसले देशकै राजस्वमा ठूलो योगदान दिन सक्ने दाबी समेत गर्नुभयो ।
र जिल्ला प्रशासन कार्यालय सिरहामा ज्ञापनपत्र बुझाएका थिए भने शुक्रबार पनि बजार र सडक बन्द गरी विरोध प्रदर्शन गरेका थिए । स्थानीय एवं विद्यार्थी नेता दिपेन्द्र यादवका अनुसार आन्दोलनलाई अझ सशक्त बनाउन निम्न कार्यक्रमहरू तय गरिएको छः

वैशाख २७ गतेः दिनभर बजार बन्द र साँझ मसाल जुलुस प्रदर्शन ।

वैशाख २८ गतेः अनिश्चितकालीन आमहड्तालको तयारीका लागि बृहत् छलफल ।
आन्दोलनकारीहरूले ‘छोटी भन्सार फिर्ता गर’, ‘अर्थमन्त्री होसियार’ र ‘हाम्रो माग पूरा गर’ जस्ता नारा लगाउँदै सरकारलाई तत्काल निर्णय सच्याउन माग गरेका छन् । छोटी भन्सार बन्द हुँदा स्थानीय स्तरमा हुने व्यापारिक चहलपहल घट्ने र अवैध चोरी पैठारी बढ्न सक्ने त्रास स्थानीय व्यापारीहरूमा देखिएको छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा