काठमाडौं,२९ वैशाख । राष्ट्रिय स्वतन्त्र पार्टीकी सांसद रचना खतिवडा खत्रीले जेनजी आन्दोलनका शहीद र घाइतेप्रति सरकारले अझै न्याय दिन नसकेको बताउनु भएको छ ।
मंगलबार बसेको प्रतिनिधिसभाको बैठकमा बोल्दै उहाँले सरकारले जेनजी आन्दोलनमा बलिदान दिएका नागरिकको योगदान बिर्सिदै गएको भन्दै आन्दोलनका क्रममा निर्दोष जनतामाथि गोली चलाउने दोषीहरूलाई कानुनी कठघरामा ल्याउन माग गर्नु भएको छ।
उहाँले युवाहरूको सपना र भविष्यमा आक्रमण गर्ने दोषीलाई कहिले सर्वसाधारणलाई राख्ने जेलमा देख्न पाइन्छरु भनेर प्रश्न समेत गर्नु भयो ।
उहाँले भन्न् भयो,‘आज देश परिवपर्तनको नयाँ चरणमा पुगेको छ । तर जुन जेनजी आन्दोलनको शहीद तथा घाइतेको रगतमा टेकेर जनादेश आएको थियो, उनीहरुलाई विर्सिदै गएका हौं र? शहीद परिवार र घाइतेको मनमा न्यायको मलम अझै लागेको छैन् ।
सदनमार्फत म यो प्रश्न गर्न चाहन्छु–के निर्दोष जनतामाथि गोली चलाएर युवाहरुको सपना र भविष्यमाथि आक्रमण भएको छ, ति दोषिलाई जेलमा देख्न पाउँछौं र?’
उहाँले न्यायपालिकाप्रति पनि असन्तुष्टि व्यक्त गर्दै न्यायालयमा शुद्धीकरण आवश्यक रहेको बताउनु भयो।
