दमक, २ जेष्ठ । झापाको विर्तामोड स्थित यातायात व्यवस्था कार्यालय । कार्यालयको अगाडीको गेट बन्द छ । छेउछाउका सबै पसल तथा अन्य कार्यालयहरुपनि बन्द छन् । तर यहाँ भीत्र केहि अनधिकृत व्यक्ति काम गरि रहेका छन् । फाईल खोजीरहेका छन् । डकुमेन्ट मिलाई रहेका छन् । सायद लाइसेन्सननै खोजेर लगीदिने गरि आफ्नो सेटिङको काम गरीरहेका छन् ।
कार्यालय भित्र मर्मत सम्भारको काम पनि चलीरहेको छ । ज्यामीहरु काम गर्दै गरेका पनि छन् । तर भवनको एउटा कुनामा रहेको बक्साबाट एकजना अनाधिकृत व्यक्ति कागज हेरिरहेका छन् । मिलाईरहेका छन् । खै के हो उनी खोजीरहेका छन् । अनी उनी भनीरहेका छन् ‘यहाँ भिडियो चाहि नखिच्नुस है । फेरी राम्रो हुदैन नी ।’
अर्थात उनी नराम्रो काम गर्दै थिए । नराम्रो काम गरेको भिडियो खिचेको कसैलाई मन पर्दैन । त्यसैले उनी आफ्नो नराम्रो कामको पर्दाफास हुने भयो भन्ने डरका कारण भिडियो नखिच्न अनुरोध गरिरहेका थिए ।
यो भिडियो हामीलाई एकजना सेवाग्राहिले पठाउनु भएको हो । गाडीको लाइसेन्स दिनु भन्दा अघी गरिने स्वास्थ्यको परिक्षण गर्न उहाँ त्यस कार्यालयमा जानु भएको थियो । उहाँ शनिबार विदाको दिन चाहि किन जानु भयो त भन्ने प्रश्न हुन सक्छ । तर उहाँलाई दिइएको पत्रमा मे महिनाको १६ तारीख शनिबार आउनु भनेरनै दिइएको छ ।
उहाँलाईपनि लाग्यो बिर्तामोडको यातायात कार्यालयमा सुधार आएछ । अव शनिबार पनि सेवा । नागरिकको बिदाको दिन सरकारी अड्डाबाट सेवा पाइने भइयो भन्दै उहाँ सुखी भएर सेवा लिन जाँदा कार्यालयमा भने ताला लागीरहेको थियो । तर भीत्र अनाधिकृत व्यक्तिको रजगज चलीरहेको थियो ।
भीडियोमा यसरी कागजात हेर्ने, खोज्ने र छान्ने मानीस प्रष्ट देखिएका छन् । उनी यस कार्यालयको कर्मचारी पनि होईनन । उनी कोहि सेवाग्राहिबाट मोटै रकम लिएर बिदाको दिन पनि सरकारी अड्डा पसेर केहि डकुमेन्ट नीकालीदिने दुसाहस गर्ने ठुलै बिचौलीया हुनुपर्छ । हैन भने यी डकैत गर्दै छन् ।
यीनलाई यातायात कार्यालय खुलेपछि कार्यालयले प्रहरीको जिम्मा लगाउन सक्छ कि सक्दैन त्यो भने हेर्न बाँकीनै छ । यदी गर्यो भने ठिक छ, हैन भने यो कुकर्ममा यो कार्यालयको पनि साठगाँठ छ भन्ने प्रष्ट हुनेछ ।
