काठमाडौं,५ जेठ । रास्वपाका सांसद केपी खनालले सरकार भूमिहीन सुकुम्वासीलाई विस्थापित गर्न नभई सम्मानजनक र व्यवस्थित बसोबास तर्फ लैजान प्रयास गरिरहेको दाबी गर्नु भएको छ। मंगलबार बसेको प्रतिनिधिसभा बैठकमा बोल्दै उहाँले भूमिहीन सुकुम्वासी र अव्यवस्थित बसोबासमा वर्षौंदेखि राजनीतिक रूपमा प्रयोग गरिएको आरोप लगाउनु भएको छ् ।
उहाँले भन्नु भयो, ‘भूमिहीन सुकुम्वासी र अव्यवस्थित बसेवासमा नाम बर्सौ राजनीतिक गदै आएकाहरूले भूमिहीन सुकुम्वासी र अव्यवस्थित बसेवासमा बसिरहेकाहरूलाई एथा स्थिति मै बसिरहन चाही रहेका छन् ।’ सांसद खनालले पछिल्लो समय देशभर सरकारले सुकुम्वासी बस्तीमा डोजर चलाएर नागरिकलाई सडकमा ल्याउन खोज्दैछ भन्ने भ्रम फैलाइएको दाबी गर्नु भएको छ।
उहाँले भन्नु भयो, ‘पछिल्लो समय देशभर भूमिहीन सुकुम्वासीलाई सडकमा उतारेर उनीहरूमाथि सरकारले डोजर चलाउँदै छ भन्ने भ्रम फइलदाइदै छ । सरकारले सुकुम्वासी बस्तीमाथि डोजर चलाएर उनीहरूलाई सडकमा ल्याउन खोजेको होइन ।’ उहाँले नदी तथा खोला किनारमा बसोबास गर्दा बाढी, दुर्घटना र अस्वस्थ वातावरणको जोखिम बढ्ने भएकाले प्रभावित नागरिकलाई सुरक्षित स्थानमा स्थानान्तरण गरी समाजको मूलधारमा ल्याउन खोजेको बताउनु भयो ।
‘सरकारले आफ्ना नागरिक माथि लागेका सुकुम्बासीको अपमान जनक ट्यागलाई हटाएर उहाँ हरूलाई सम्मानित, सामाजिक र आथिक जीवन र व्यवस्थित बसोबास लिदन खोजेको हो । बसौदेखि आउने बाढीको कहर र खोलाको किनारको दुर्घटना र दुर्गन्धित बाट जोगाउन उहाँहरूलाई समाजको मूलधारमा ल्याउन खोजेको हो सरकारले,’ उहाँले भन्नु भयो।
