काठमाडौ , ५ जेष्ठ ।प्राज्ञिक व्यक्तित्व शक्ति नेपालको “चेतनकक्ष”मा के छ?
यतिबेला सर्बत्र चासो बढ्न थालेको छ ।उपन्यास कृतिको लोकार्पण भईसकेपछी यसप्रतिको चासो अझ बढेको छ ।गत जेठ २ गते नेपाल प्रज्ञा प्रतिष्ठानमा कृतिको लोकार्पण गर्दै प्रतिष्ठानका पूर्वकुलपति प्राध्यापक डाक्टर गङ्गाप्रसाद उप्रेतीले उपन्यासमा समेटिएको विषयवस्तुले नयाँ समयचेतनाको वैचारिकी प्रस्तुत गर्न सक्षम रहेको उल्लेख गर्नुभएको थियो । यसले समेत नया समय अनि चेतना बारेमा थप कौतुहलता बढाएको छ ।
कृतीको समीक्षा गर्दै प्रा.डा. हेमनाथ पौडेलले चेतनकक्ष उपन्यास सामाजिक– सांस्कृतिक समन्वय र आत्मिक चेतनाको वैचारिक आख्यान भएको प्रष्ट पार्दै भन्नू भयो । “यस कृतिले मानिसको आत्मचेतना, सामाजिक यथार्थवाद र सांस्कृतिक समन्वयवादलाई फरक ढङ्गले प्रस्तुत गरेको छ”।
लेखक शक्ति नेपालले मानिसको आत्मिक शुद्धि र आत्मनियन्त्रणका पक्षलाई काल्पनिक र अनुभव मिश्रित भावनात्मक सम्बन्धलाई उपन्यासमा प्रस्तुत गर्न खोजेको प्रतिक्रिया दिनुभएको छ ।
चेतनकक्ष उपन्यासलाई कालिञ्चोक पुस्तक प्रकाशनले प्रकाशित गरेको हो।
