काठमान्डौं ,११ जेठ ।राष्ट्रिय स्वतन्त्र पार्टी (रास्वपा) का सांसद तथा निवर्तमान गृहमन्त्री सुधन गुरुङका शंकास्पद गतिविधिबारे समाचार प्रकाशन गरिरहेको जनआस्था साप्ताहिक र त्यसका प्रधानसम्पादक किशोर श्रेष्ठलाई लक्षित गरी रहस्यमय गतिविधि सुरु भएको छ।
जेठ ८ गते शुक्रबार बिहान श्रेष्ठलाई ‘सौरभ यादव’ को नाममा दर्ता रहेको चिनियाँ नम्बर बाट फोन आएको खुलेको छ। फोन गर्ने व्यक्तिले आफ्नो नाम ‘मिस्टर यिङ’ बताएका थिए। बेइजिङबाट बोलेको दाबी गर्ने उनले सांसद सुधन गुरुङविरुद्ध नेपालका सञ्चारमाध्यम परिचालन गरी नकारात्मक वातावरण बनाउने प्रस्ताव राख्दै भनेका थिए, “उनी (सुधन) हाम्रा लागि ठीक छैनन्।”
प्रधानसम्पादक श्रेष्ठका अनुसार फोनमार्फत प्रलोभन दिने प्रयास असफल भएपछि उxfFलाई बदनाम गराउने अर्को प्रपञ्च रचियो। शुक्रबार अपराह्न ५:१२ बजे सानेपास्थित जनआस्था कार्यालयको गेटमा मास्क र कालो चस्मा लगाएकी एक अपरिचित युवती आइन्।
डिजिटल संवादमा ‘ह्वाइट क्रेन’ (सेतो सारस) नाम प्रयोग गर्ने ती युवतीले निलो प्लास्टिकको झोला गेटमा छाडेर गइन्। कार्यालयका कर्मचारीले उक्त झोला खोल्दा त्यहाँ एक बोतल रक्सी र ५० हजार रुपैयाँ नगद फेला परेको थियो। सामान छाडिएलगत्तै पुनः चिनियाँ नम्बरबाट फोन आएपछि श्रेष्ठले सामान फिर्ता लैजान र आइन्दा यस्ता वाहियात कुरा नगर्न कडा जवाफ दिएको बताएका छन्।
किशोर श्रेष्ठको भनाइ: “यो रास्वपा नेता रविले सुधनलाई फेरि गृहमन्त्री बन्नबाट रोक्न र मलाई बदनाम गराउन रचेको खेल हो। मलाई बदनाम गराउन कार्यालयको गेटमा पैसा र रक्सी छाड्ने प्रपञ्च मिलाइयो।”
यसैबीच, आइतबार मेकानिकल इन्जिनियर शैलेश साहको फेसबुक आईडीबाट एउटा भिडियो सार्वजनिक भयो। उक्त भिडियोमा सम्पादक श्रेष्ठ र ती अपरिचित व्यक्तिबीच भएका च्याटका स्क्रिनसटहरू राखिएका छन्, जहाँ श्रेष्ठले “मैले ५० हजार र एउटा बोतल मात्रै पाएँ, समाचार भाइरल बनाइसकेँ” भनी लेखेको देखाइएको छ।
यसको खण्डन गर्दै श्रेष्ठले भने, “त्यो च्याटको स्क्रिनसट पूरै फेक र एडिटेड हो। फोनमा आवाज मेरै भए पनि गलत अर्थ लाग्ने गरी काँटछाँट गरिएको छ। तथ्यको खण्डन गर्न नसकेपछि मिडिया हाउसलाई बदनाम गर्न रचिएको घिनलाग्दो षड्यन्त्र हो।”
निवर्तमान गृहमन्त्री सुधन गुरुङ पछिल्लो समय गम्भीर विवादमा छन्:
सम्पत्ति शुद्धीकरण लगायतका शंकास्पद कारोबारमा अनुसन्धानका लागि प्रहरी हिरासतमा रहेका दीपक भट्ट समूहको लगानी र सम्पत्तिको स्रोत पारदर्शी नभएपछि उनले मन्त्री पदबाट राजीनामा दिनुपरेको थियो।
निर्वाचन आयोग र सरकारसमक्ष बुझाएको उनको सम्पत्ति विवरण फरक–फरक भेटिएको छ।
जेनजी आन्दोलन’ का नेतृत्वकर्ता गुरुङको ‘हामी नेपाल’ संस्थाको गतिविधि र ‘फ्री तिब्बत’ मुभमेन्टसँगको सम्बन्धमाथि समेत प्रश्न उठेको छ।
सरकारले उनको सम्पत्तिको स्रोत छानबिन गर्न आयोग गठन गरिसकेको छ, यद्यपि आयोगको कार्यक्षेत्र मन्त्रीको रूपमा सार्वजनिक सम्पत्तिमा मात्रै सीमित छ कि ‘हामी नेपाल’ को सम्पत्तिमा पनि, सो स्पष्ट भइसकेको छैन।
प्रधानसम्पादक श्रेष्ठले शुक्रबार नै प्रहरीका उच्च अधिकारीहरूलाई यसबारे जानकारी गराएका] atfPsf छन्। हाल जिल्ला प्रहरी कार्यालय ललितपुरले सीसीटीभी फुटेजको आधारमा गेटमा सामान छाडेर भाग्ने मास्कधारी युवतीको खोजी गरिरहेको छ भने सामाजिक सञ्जालमा भ्रमपूर्ण अडियो र स्क्रिनसट फैलाउनेहरूविरुद्ध साइबर ब्युरोमा समेत जानकारी गराइएको hgfPsf] छ।
