काठमाडौं,१७ जेठ । प्रधानमन्त्री बालेन्द्र शाहले लिपुलेक– लिम्पियाधुराको विवादबारे टेबलटक मार्फत समाधान गर्ने जानकारी गराउनु भएको छ् । आइतबार नेकपा एमालेको तर्फबाट सांसद पद्मा अर्यालले लिपुलेक लिम्पियाधुराबारे भारत र चीनले गरेको नयाँ समझदारीबारे सरकारको धारणा माग्नु भएको थियो । त्यसको जवाफमा प्रधानमन्त्रीले यो विषयमा सरकारले दुवै देशलाई कुटनीतिक नोट दिइसकेको र भारतले यसको जवाफ पनि दिएको जानकारी दिनु भएको छ ।
उहाँले भन्नु भयो,‘लिपुलेक लिम्पियाधुराकोको विषयमा सरकारले अफिसियल रुपमा डिप्लोमेटिक नोट भारत सरकारलाई पठाइएको छ । जवाफ पनि आएको छ । जवाफमा दुबै देशका सरकारले आफ्नो इतिहास विद्हरु राखेर र आफ्नो भूमिसम्बन्धी जानकारी भएकाहरुलाई राखेर टेबलटक मार्फत यो कुराको समाधान गर्ने कुरा भएको छ । यसमा भारत र चीन मात्र नभएर ईंग्ल्यान्ड सरकारसँग पनि कुरा गर्ने छौं । छलफल गरेर सरकारले यो विषयमा समाधान निकाल्ने छौं ।’
