काठमाडौं,२० जेठ । भारत भ्रमणमा रहेका राष्ट्रिय स्वतन्त्र पार्टी (रास्वपा)का सभापति रबी लामिछानेले भारतीय प्रधानमन्त्री नरेन्द्र मोदीसँग भेटवार्ता गरेका छन् । भेटपछि प्रधानमन्त्री मोदीले सामाजिक सञ्जाल फेसबुकमार्फत लामिछानेसँगको तस्बिर सार्वजनिक गर्दै नेपाल–भारत सम्बन्धलाई थप उचाइमा पु¥याउने प्रतिबद्धता व्यक्त गर्नु भएको छ ।
मोदीले आफ्नो स्टाटसमा लामिछानेसँग भेट गर्न पाएकोमा खुशी व्यक्त गर्दै साझा समृद्धि र उज्ज्वल भविष्यका लागि नजिकबाट सहकार्य गर्ने उहाँको चाहनालाई आफूले स्वागत गरेको उल्लेख गर्नु भएको छ । उहाँले नेपाललाई भारतको छिमेकी पहिलो नीतिअन्तर्गत प्राथमिक साझेदारका रूपमा रहेको बताउनु भएको छ । प्रधानमन्त्री मोदीले नेपालसँगको विशेष र बहुआयामिक सम्बन्धलाई अझ सुदृढ बनाउन भारत प्रतिबद्ध रहेको उल्लेख गर्दै नयाँ सरकारसँग सहकार्य गरेर दुई देशबीचको सम्बन्धलाई थप उचाइमा पु¥याउने अपेक्षा व्यक्त गर्नु भएको छ ।
रास्वपा सभापति लामिछाने नेतृत्वको प्रतिनिधिमण्डलले भारतीय राजनीतिक नेतृत्वसँग विभिन्न चरणमा भेटवार्ता गरिरहेको छ । मोदीसँगको भेटलाई नेपाल–भारत सम्बन्ध तथा दुई देशबीचको राजनीतिक संवादलाई थप मजबुत बनाउने अवसरका रूपमा हेरिएको छ । मोदीले सार्वजनिक गरेको सन्देशले नेपाललाई भारतको विदेश नीतिमा उच्च प्राथमिकतामा राखिएको संकेत गरेको विश्लेषण गरिएको छ । साथै, उहाँले दुई देशबीचको ऐतिहासिक, सांस्कृतिक, आर्थिक तथा जनस्तरको सम्बन्धलाई अझ प्रगाढ बनाउने दिशामा सहकार्य विस्तार हुने विश्वास व्यक्त गर्नु भएको छ ।
