काठमान्डौं ,१७ असार ।सरकारले देशभरका सम्पूर्ण निजी अस्पताल तथा स्वास्थ्य संस्थाहरूमा अब अनिवार्य रूपमा स्तनपान कक्ष स्थापना गर्न निर्देशन दिएको छ।
स्वास्थ्य तथा खाद्य स्वच्छता मन्त्रालयअन्तर्गतको परिवार कल्याण महाशाखाले स्तनपान गराइरहेका आमाहरूलाई सहजता प्रदान गर्ने उद्देश्यले यो व्यवस्था लागू गर्न आग्रह गरेको हो।
स्तनपान प्रवर्धन, संरक्षण तथा सहयोगका लागि बालबालिकाको सर्वाङ्गीण विकासमा योगदान गर्ने कार्यविधि, २०८० अनुसार अब स्वास्थ्य संस्थाहरूले आमाहरूका लागि सुरक्षित, गोपनीय र सहज वातावरण उपलब्ध गराउनुपर्नेछ।
यो व्यवस्थाले अस्पताल जाने आमाहरूलाई ठूलो राहत पुग्ने अपेक्षा गरिएको छ। किनकि बच्चालाई समयमै स्तनपान गराउन पाउनु केवल आमाको सुविधा मात्र होइन, शिशुको स्वास्थ्य र विकाससँग जोडिएको महत्वपूर्ण विषय पनि हो।
pic Ai
