काठमान्डौं ,३० असार । चालु आर्थिक वर्षको ११ महिनामा नेपालमा विदेशबाट आउने रेमिट्यान्स २१ खर्ब रुपैयाँभन्दा बढी पुगेको छ।
वैदेशिक रोजगारीमा रहेका नेपालीहरूले पठाएको रकम बढेसँगै रेमिट्यान्स आप्रवाहमा उल्लेख्य सुधार देखिएको हो। रेमिट्यान्स वृद्धिले नेपालको विदेशी मुद्रा सञ्चिति मजबुत बनाउन, आयात भुक्तानी सहज बनाउन र समग्र अर्थतन्त्रलाई चलायमान राख्न महत्वपूर्ण योगदान पु¥याएको छ।
नेपालको अर्थतन्त्र ठूलो मात्रामा रेमिट्यान्समा निर्भर रहँदै आएको छ। लाखौँ नेपाली श्रमिकले विदेशबाट पठाउने रकमले घरपरिवारको खर्च, शिक्षा, स्वास्थ्य तथा दैनिक जीवनयापनमा समेत ठूलो सहयोग पु¥याउँदै आएको छ।
सरकारले वैदेशिक रोजगारीलाई सुरक्षित, व्यवस्थित र उत्पादनमूलक बनाउने नीति अघि बढाइरहेको जनाएको छ। यद्यपि, रेमिट्यान्सको बढ्दो निर्भरतालाई घटाउन स्वदेशमै रोजगारी र उत्पादन वृद्धि गर्नुपर्ने चुनौती भने कायमै रहेको छ
