काठमाडौँ , भदौ १३ । परराष्ट्रमन्त्री शिशिर खनालले बाढीमा हराइरहेकाहरूको खोजी तथा उद्धारका लागि सरकारले वैदेशिक सहायता अस्वीकार गरेको भन्ने चर्चाबारे जबाफ दिनुभएको छ ।शनिबार परराष्ट्र मन्त्रालयमा आयोजित प्रेस ब्रिफिङमा मन्त्री खनालले सरकारले त्यस्ता सहायता अस्वीकार नगरेको बरू विदेशी मुलुकबाट सहयोग प्राप्त भइहरेको बताउनुभएको छ ।उहाले भारत, चीन, जापान, अस्ट्रेलियालगायतका मुलुकले सहयोगका लागि टोली तथा आवश्यक सामग्री पठाइरहेको जानकारी दिनुभएको छ ।नेपालले अन्तर्राष्ट्रिय सहायता अस्वीकार गरेको भन्ने समाचारहरू गलत हुन्,ु उहाले भन्नुभयो ।
उहाले विपदले निम्त्याएको विनाशको स्तर निकै ठूलो रहेको र यसले नेपाललाई तत्कालका लागि उद्धार र राहतमा भन्दा दीर्घकालीन पुनर्निर्माण तथा पुनर्स्थापनामा अन्तर्राष्ट्रिय सहयोग आवश्यक पर्ने बताउनुभयो ।मन्त्री खनालले नेपालमा तत्काल खोज तथा उद्धारको नेतृत्व सुरक्षा निकायहरूले गरिरहेको बताउनुभयो ।तर, सुरक्षा निकायको क्षमता र स्रोतभन्दा बाहिरका विशेष प्रकृतिका उद्धारमा भने नेपालले विदेशी साझेदारसँग सहयोग मागिरहेको उहाको भनाइ छ ।हाम्रा सुरक्षा निकायहरूले अहिले स्थलमा खोज तथा उद्धारका काम व्यवस्थापन गरिरहेका छन्। तर सुरुङ उद्धार, भग्नावशेषमुनि जीवित मानिस पत्ता लगाउने प्रविधि, छिटो फरेन्सिक तथा डिएनए परीक्षण र शव राख्नका लागि शवगृह जस्ता क्षेत्रमा सहयोगका लागि हामीले हाम्रा मित्रराष्ट्र तथा साझेदारसँग विशेष रूपमा अनुरोध गरेका छौं,ु मन्त्री खनालले भन्नुभयो ।
उहाले भारत, चीन, जापान, अस्ट्रेलियालगायतका देशले सहयोगका लागि पहल गरिसकेको र केही सहयोग नेपाल आइसकेको बताउनुभयो ।उहाले बाढी तथा विपदबाट सडक, पुल, जलविद्युत् लगायतका पूर्वाधारमा भएको क्षति ठूलो रहेकाले पुनर्निर्माण र पुनर्स्थापनाका लागि अन्तर्राष्ट्रिय सहायता आवश्यक पर्ने बताउनुभयो ।पूर्वाधार, सडक, पुल र जलविद्युत्मा भएको विनाशको स्तर ठूलो छ। त्यसैले दीर्घकालीन पुनर्निर्माण र पुनर्स्थापनाका लागि हामीलाई निश्चित रूपमा अन्तर्राष्ट्रिय सहायता आवश्यक पर्नेछ। विस्तृत मूल्यांकन पूरा भएपछि आवश्यकताका आधारमा हामी ती विषयमा जानकारी गराउनेछौं,ु उहाले बताउनुभयो ।
