झापा, भदौ १४ । अवैध सामानको ओसारपसार नियन्त्रणमा लगातार खटिदै आएको सशस्त्र प्रहरीले आज बिहान भेनसहित ५ लाखको अवैध सामान बरामद गरेको छ ।बिहान ७.१० बजे बुद्धशान्ति गाउँपालिका ५ बहुवन सामुदायिक वनस्थित भित्री सडकखण्डमा सशस्त्र प्रहरी बल नेपाल भुटानी शरणार्थी शिबिर सुरक्षा बेश टिमाईबाट सशस्त्र प्रहरी नायव निरीक्षक सुरेन्द्र ठाकुरको कमाण्डमा खटिएको गाडी मोवाइल टोलीले भेनसहित अवैध सामान बरामद गरेको हो ।
बिभिन्न सवारी साधनहरु चेकजाँच गर्ने क्रममा भारतबाट भन्सार छली अन्दाजी १० लाख मूल्य बराबरको डब्लुबी ७४एस३३६५ नम्बरको भारतीय भेनमा लोड गरी नेपालतर्फ ल्याउँदै गरेको अन्दाजी ५ लाख मूल्य बराबरको ८ काटुन हुक्कामा प्रयोग हुने फ्लेवर गरी जम्मा १५ लाख बराबरको सामान र भेन छाडेर चालक फरार भएका थिए ।उक्त सामान र भेन नियन्त्रणमा लिई बेशमा ल्याई राखिएको सशस्त्र प्रहरी बल, नेपाल नं. २ गण हेडक्वार्टर झापाका गणपति सशस्त्र प्रहरी उपरीक्षक सचिन कर्मचार्यले जानकारी दिएका छन्।
