भोजपुर,१४ भदौ। भोजपुरको केपिलासगढी गाउँपालिका–७ सुङ्देलस्थित सूर्य माध्यमिक विद्यालयका शिक्षक भानुभक्त राईको कुटपिटबाट मृत्यु भएको छ।
धार्मिक तथा पर्यटकीयस्थल सालपा पोखरीमा ऋषितर्पणी पूर्णिमाको अवसरमा लागेको मेला भर्न गएका बेला बिहीबार राति विवादपछि शिक्षक राईमाथि कुटपिट भएको प्रहरीले जनाएको छ।
घटनामा संलग्न रहेको आरोपमा प्रहरीले ११ जनालाई नियन्त्रणमा लिएको छ।
प्रहरीका अनुसार घटनास्थलमा टेलिफोन नेटवर्कसमेत नचल्ने भएकाले थप विवरण आउन बाँकी छ।
तर मृतकका आफन्तले भने दिउँसो भएको विवादपछि राति गाउँलेलाई बोलाएर योजनाबद्ध रूपमा कुटपिट गरी हत्या गरिएको आरोप लगाएका छन्।
घटनाको अनुसन्धान जिल्ला प्रहरी कार्यालय भोजपुरले गरिरहेको छ।
मेलामा भएको सामान्य विवादले शिक्षकको ज्यानै गएपछि घटनालाई लिएर गम्भीर प्रश्न उठेको छ
(तस्बिर एआइ)
