काठमान्डौ,१४ असोज । राष्ट्रिय जनमोर्चाका केन्द्रीय कोषाध्यक्ष मधु क्षेत्रीको निधन भएको छ ।
लामो समयदेखि ब्लड क्यान्सरबाट पीडित रहेका क्षेत्रीको बुधबार बिहान ७ बजे अर्घाखाँचीको सन्धिखर्कस्थित घरमा निधन भएको महासचिव मनोज भट्टले जानकारी दिनुभयो ।
दुई वर्षदेखि काठमाडौँको सुरेश वाग्ले र हेम्पसमा क्षेत्रीको उपचार भइरहेको थियो ।
क्षेत्रीका दुई छोरा र श्रीमती छन् । २०३८ सालदेखि वामपन्थी आन्दोलनमा सक्रिय रहेका उनी २०७६ सालमा भएको जनमोर्चाको पाँचौँ राष्ट्रिय सम्मेलनबाट कोषाध्यक्षमा निर्वाचित हुनुभएको थियो ।
