किसानलाई बेमौसमी तरकारी खेतीका लागि प्रयोग हुने टनेल वितरण

 

ताप्लेजुङ / ताप्लेजुङको फुङ्लिङ नगरपालिकामा बेमौसमी तरकारी खेती गर्ने किसानलाई टनेल वितरण गरिएको छ । तरकारी खेती गर्दै आएका फुङ्लिङ नगरपालिका–७ का ५० जना किसानलाई छाहारी खेतीका लागि प्रयोग हुने टनेल वितरण गरिएको हो ।

तरकारीजन्य खेती गरेर आत्मनिर्भर बन्न खोज्ने कृषकहरूलाई सहयोग पुर्याउने उद्देश्यले टनेल वितरण गरिएको वडाध्यक्ष योगेन्द्रप्रसाद निरौलाले बताउनुभयो । नगरप्रमुख अमिर मादेन र प्रमुख प्रशासकीय अधिकृत तिलोचन रिमालको उपस्थितिमा वडा कार्यालयमै किसानलाई बोलाएर टनेल वितरण गरेको वडाध्यक्ष निरौलाले जानकारी दिनुभयो । 

फुङ्लिङ नगरपालिका–७ दोखुका किसानलाई टनेल वितरण गर्दै नगरप्रमुख मादेनले टनेल खेतीबाट उत्पादन हुने तरकारीजन्य वस्तु स्वस्थ हुने बताउनुभयो । कतिपय किसानले टनेल लैजाने र सही सदुपयोग नगर्ने गरेको पनि पाइएकाले त्यसो नगर्न किसानलाई प्रमुख मादेनले आग्रह पनि गर्नुभयो । तरकारी उत्पादन गरेर हरेक किसान आत्मनिभर बनुन् भन्ने नगरपालिकाको उद्देश्य रहेको उहाँको भनाइ छ । 

उपभोक्ताको चाहाना स्वस्थवद्र्धक उपभोग्य वस्तुमा हुने हुँदा टनेललाई सही सदुपयोग गरी स्वस्थ तरकारी उत्पादन गर्न प्रमुख प्रशासकीय अधिकृत रिमालले किसानलाई आग्रह गर्नुभयो । यता बोलपत्रको माध्यममार्फत गुणस्तरीय टनेल सामग्री ल्याएर किसानलाई वितरण गरेको वडाध्यक्ष निरौलाले बताउनुभयो । वडाले उपलब्ध गराएको टनेललगायत सामग्रीको सही सदुपयोग भए-नभएको किसानको घरघरमा पुगेर अनुगमन गर्ने पनि उहाँले दाबी गर्नुभयो ।

सदरमुकाम फुङ्लिङ बजार नजिकको वडा भएकाले दोखुका अधिकांश किसान तरकारी तथा फलफूल खेतीमा संलग्न रहँदै आएका छन् । उनीहरूले उत्पादन गर्ने गोलभेँडा, काउली, रायो साग, खुर्सानी, भिन्डा, सिमी, मुला, गाजर लगायतका तरकारीजन्य वस्तुहरू फुङ्लिङमा मङ्गलबार र शनिवार लाग्ने हाटमा बिक्री गर्ने गरेका छन भने केही उत्पादन जिल्ला बाहिरसमेत निर्यात हुने गरेको बताइएको छ ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

नेशनल भोलिन्टियर फोर्सलाई देशव्यापी विस्तार र सुदृढ गर्न ओलीको निर्देशन

काठमाडौं ,५ मंसिर। नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले नेशनल भोलिन्टियर फोर्सलाई देशव्यापी रूपमा विस्तार र सुदृढ गर्न निर्देशन दिनु भएको छ। फोर्सको

आन्दोलन घोषणा भए युवा पङ्क्ति अग्रपङ्क्तिमा उत्रिने एमाले सचिव बस्नेतको चेतावनी

काठमाडौं ,५ मंसिर। नेकपा एमालेका सचिव महेश बस्नेतले वर्तमान सरकारविरुद्ध पार्टीले आन्दोलन घोषणा गरे युवा पङ्क्ति अग्रपङ्क्तिमा उत्रिने बताँउनु भएको छ। नेशनल भोलिन्टियर फोर्सको प्रथम

घुँडाको क्यान्सरबाट पीडित रोशनलाई पराजुली समाजको ३३ हजार ५०० रुपैयाँ सहयोग

दमक, ५ मंसिर । घुँडाको क्यान्सरबाट पीडित झापाका ३२ वर्षीय रोशन पराजुलीको उपचारका लागि पराजुली समाज नेपालका विभिन्न कमिटीले आर्थिक सहयोग गरेका छन् ।झापा जिल्ला

क्यान्सर पीडितको खेतमा श्रम संस्कृति पार्टीका कार्यकर्ताको श्रमदान

दमक, ५ मंसिर । क्यान्सर रोगसँग संघर्ष गरिरहेकी एक महिलालाई सहयोग पुर्‍याउन श्रम संस्कृति पार्टीका कार्यकर्ता खेतमै पुगेर श्रमदान गरेका छन् ।झापाको भद्रपुर नगरपालिका–२ निवासी

मधेसको मुख्यमन्त्रीमा सरोज कुमार यादव नियुक्त

जनकपुर,५ मंसिर ।मधेस प्रदेशको मुख्यमन्त्रीमा जनता समाजवादी पार्टी नेपालका संसदीय दलका नेता सरोज कुमार यादव नियुक्त हुनु भएको छ ।प्रदेश प्रमुख कार्यालयले विज्ञप्ति जारी गर्दै

होर्मुज जलमार्गमा माइनमा ठोक्किएर तेल ट्यांकर विस्फोट

काठमाडौं,५ मंसिर । ओमानको खासाब बन्दरगाह प्रवेश गर्ने क्षेत्रमा नौसैनिक माइनमा ठोक्किएपछि एउटा तेल ट्यांकर विस्फोट भएर आगलागी भएको इरानको इस्लामिक रिभोलुसनरी गार्ड कोप्र्स (आईआरजीसी)

फाप्ला अन्तर्राष्ट्रिय क्रिकेट रंगशाला निर्माणका लागि बोलपत्र आह्वान

काठमाडौं,५ मंसिर । कैलालीको धनगढीस्थित फाप्ला अन्तर्राष्ट्रिय क्रिकेट रंगशाला निर्माण प्रक्रिया अघि बढेको छ । सुदूरपश्चिम प्रदेशको महत्त्वाकांक्षी खेल पूर्वाधार आयोजनाका रूपमा रहेको रंगशाला निर्माणका