दमक/
दमक उद्योग वाणिज्य सघंका निवर्तमान अध्यक्ष हुनुहुन्छ गोकुल श्रेष्ठ । उहाँ एक पटक अध्यक्ष पदमा उप बिजेता बने पछि पूःन चुनावमा होमिएर अध्यक्ष बन्नु भएको हो ।
दमकमा सहज र सफल नेतृत्व गर्नु भएका श्रेष्ठ अहिले नेपाल उद्योग वाणिज्य महासघंको केन्द्रिय सदस्यमा निर्वाचित हुनु भएको छ ।
गत चैत्र २९ गते काठमाडौमा भएको महासघंको ५७ औ साधारणसभामा उहाँ जिल्ला नगरतर्फबाट केन्द्रिय सदस्यमा निर्वाचित हुनु भएको हो ।
यो जीतलाई उहाँले आफ्नो मात्र नभएर महासघंमा ठुला शहर र ठुला ब्यापारीको मात्रै दवदालाई पनि परास्त गर्न सकिएको बताउनु भयो ।
‘ठुला ब्यापारीले महासघंमा एकछत्र राज गरेका थीए । जिल्ला र नगर स्तरका व्यापारीका मुद्धाले उचित स्थान पाउँदैन थियो । सरकारमा उनीहरुको प्रत्यक्ष सम्पर्क हुने गर्छ र आफ्नो अनुकुलमा मात्रै विभिन्न निति तथा कानुन बनाइन्थ्यो । तर अव त्यसो हुन दिने छैनौ ।’ महासघंमा नव निर्वाचित केन्द्रिय सदस्य श्रेष्ठले भन्नु भयो ‘महासघंको टेवलमा अवदेखि जिल्ला र नगर स्तरका व्यापारीका समस्या र मुद्धा पनि एजेण्डा बनेर उठ्ने छन् ।’
सोमबार दमक उद्योग वाणिज्य सघंले उहाँलाई बधाई तथा सुभकामना कार्यक्रम राखेको थियो । सो अवसरमा सघंले वर्ष २०८० को क्यालेण्डर पनि सार्वजनिक गर्यो ।
दमक नगरपालिकाका प्रमुख राम कुमार थापालाइ प्रमुख अतिथी बनाएर गरिएको कार्यक्रममा सघंका विभिन्न पदाधिकारीहरु एवं अन्य उद्योगी , व्यवसायीहरुको उपस्थिती रहेको थियो ।
भिडियोमा हेरौ
