दमक/
उमेरले ४६ वर्ष पुग्नु भएको छ झापा दमककी सुमित्रा विस्वकर्मा । श्रीमान कमाउन भन्दै परदेश जानु भएको थियो । अहिले बिरामी भएर उपचार गराउन घरदेशनै फर्कनु भएको छ ।
घरमा दुईजना छोराछोरी छन् । उनीहरुलाई पढाउने , हुर्काउने महत्वपूणर् जिम्मेवारी छ । तर कमाई अत्यन्तै कम । कमाउन परदेशिनु भएका श्रीमान घरदेशनै फर्र्केपछि विदेशबाट आउने भनेर सोचेको कमाई नआउने निश्चित भयो ।
तर अव यही जसो तसो केहि गरेर जीन्दगी त चलाउनुनै छ सुमित्रालाई । त्यसैले अहिले उहाँ निकै मिहनतकासाथ कपाडा सिलाउने सिप सिकिरहनु भएको छ । उहाँलाई यो सिप सिकेर जुनसुकै हालतमा काम गर्न सक्ने बन्नु छ ।
यही भिडमा शन्त्ती विस्वकर्मा ,तिर्थमाया भुजेल र निर्मला बिक पनि सिलाई कटाईको तालिम लिइरहनु भएको छ । यो तालिम सिकेर उहाँहरुलाई पनि आत्मनिर्भर बन्नु परेको छ । हातमा सिप भयो भने कोहिसँग झुक्नु नपर्ने भएकोले सिप सिक्न आएको उहाहरुको प्रतिकृया छ ।
तालिममा भर्खर क्याम्पस पढ्दै गरेका सामना भट्टराई र निशा बन्जारा पनि हुनुहुन्छ । घरमा व्यवहारिक बोझ बोक्न परिनहाले पनि महिलाहरुने गर्ने काम किन नसिक्ने भनेर तालिम लिन आउनु भएको छ । यो तालिमलाई अझ बढाएर लैजाने र आवश्यक पर्ने मेसिन पनि खरिद गरेर दिने हो भने यो क्षेत्रमा उज्वल भविष्य बन्न सक्ने उहाँहरुको बुझाई छ ।
अहिले यहाँ तीन महिना सम्म सिलाई कटाई गर्ने सम्बन्धीको आधारभूत तालिम चलीरहेको छ । यो अवधिमा पेटे भोटो, बाउले भोटो, बाबा सुरुवाल, लेडिज हाप्पेण्ट लगयात विभिन्न २० थरीका पहिरन सिउन सिकाइन्छ । सिटिइभिटिले आधारभूत स्तरको तालिममा जेजे सिकाउँछ ती सबै प्रकारका सिप सिकाईने प्रशिक्षक यमुना न्यौपानेले बताउनु भयो ।
खास गरि महिलाहरुलाई आत्मनिर्भर बनाउन यो तालिम प्रदान गरिएको हो । यहाँ दुई सिफ्ट गरेर १२/१२ जना गरि २४ जनाले तालिम लिइरहनु भएको छ ।
यो तालिम कम आय आर्जन भएका समुदायलाई लक्षित गरेर गरिएको भन्दै वडा सदस्य रिना विस्वकर्मा भन्नु हुन्छ ती समुदायको आय आर्जन बढोस भनेर पहिलो चरणमा सिप सिकाइएको र अन्य चरणमा अरु आवश्यकता पुरा गर्दै जाने लक्ष्य राखीएको छ ।
भिडियोमा हेरौ
